Marín Þórs­dóttir, verk­efn­is­stjóra hjá heim­ferða- og fylgda­deild Rík­is­lög­reglu­stjóra, segir að dóms­mála­ráð­herra hafi haft sam­band við emb­ættið í morgun og farið fram á að Yazan Tamimi yrði ekki vísað úr landi. „Það var hætt við fylgd að ósk dóms­mála­ráð­herra,“ segir Marín.

„Farið af stað í brottvísun“ þegar öll gögn hafi legið fyrir 

Lögregla sótti, Yazan Tamimi, ell­efu ára palest­ínskan strák sem þjá­ist af hrörn­un­ar­sjúk­dómi í Rjóðrið, hjúkr­unar- og end­ur­hæf­ing­ar­deild Land­spít­ala í nótt. Var hann fluttur á Kefla­vík­ur­flug­völl þaðan sem átti að fljúga með hann til Spánar á átt­unda tím­anum í morgun. 

Brott­vís­un­inni var mót­mælt harð­lega á sam­fé­lags­miðlum og hópur  fólks kom saman á Kefla­vík­ur­flug­velli og mót­mælti. Skömmu eftir að dreng­ur­inn var kom­inn þangað barst rík­is­lög­reglu­stjóra beiðni frá dóms­mála­ráð­herra um að hætt yrði við brott­för. 

Beiðni Útlend­inga­stofn­unar ekki tíma­sett Marín Þórs­dóttir, verk­efna­stjóri hjá Rík­is­lög­reglu­stjóra segir að legið hafi fyrir í þónokkurn tíma að Yazan yrði vísað úr landi þó að beiðni Útlend­inga­stofn­unar hafi ekki verið tíma­sett

Spurð hvers vegna lög­regla fór í þessa aðgerð í nótt segir Marín að hún hafi verið að fram­fylgja úrskurði Útlend­inga­stofn­unar. „Það kom beiðni til okkar fyrir nokkrum mán­uðum og þegar öll gögn eru komin og leyfi hefur feng­ist er farið af stað í brott­vísun.“

Spurð hvort þessi dag­setn­ing hafi legið lengi fyrir segir Marín að beiðnin hafi „ekki verið tíma­sett,“ en að þegar öll gögn hafi verið komin og ýmis leyfi hafi verið fengin hafi verið ákveðið að fylgja drengnum úr landi. „Þessi ákvörðun hefur legið fyrir í þónokkurn tíma,“ segir hún. 

„Hugað að hagsmunum barnsins“

Spurð hvers vegna sé farið í skjóli nætur á spít­al­ann að sækja dreng­inn til að fara með hann úr landi segir Marín; „Það er flug snemma að morgni. Í öllu ferl­inu er hugað að hags­munum barns­ins. Það er leið­ar­ljósið.“  

Bað um að hætt yrði við brott­flutn­ingGuðrún Haf­steins­dóttir fór fram á að hætt yrði við að flytja Yazan úr landi í morgun

Mynd: Heim­ildin / Davíð Þór

Óstað­festar fregnir herma að Yazan hafi verið fluttur frá Kefla­vík­ur­flug­velli á Land­spít­al­ann á tíunda tím­anum í morgun. Það kom sem fyrr segir eftir að dóms­mála­ráð­herra fór fram á að hætt yrði við fylgd. Vísir greindi fyrst frá þess­ari ákvörðun ráð­herra. 

Þá hefur RÚV heim­ildir fyrir því að innan rík­is­stjórn­ar­innar hafi komið sú krafa að sam­tal ætti sér stað um mál Yazans áður en hann yrði fluttur úr landi. Dóms­mála­ráð­herra hafi ákveðið að verða við þeirri beiðni og því hafi verið hætt við brott­flutn­ing­inn. 

Ekki náð­ist í Guðrúnu Haf­steins­dóttur, dóms­mála­ráð­herra við vinnslu frétt­ar­innar.