Réttum klukku­tíma eftir að fyrstu kosn­inga­töl­urnar birt­ust í útvarpi og sjón­varpi í Frakk­landi og sýndu for­dæma­lausan stór­sigur hægri flokks Marine Le Pen og jafn for­dæma­laust hrun stjórn­ar­flokks­ins, birt­ist for­set­inn Macron í sjón­varp­inu og boð­aði að hann ætl­aði að rjúfa þing og efna til nýrra kosn­inga. Skyldu þær fara fram 30. júní og 7. júlí.

Frétta­menn sem sátu í útvarps- og sjón­varps­sölum og voru að ydda heila­frum­urnar til að útskýra kosn­inga­úr­slitin urðu þrumu lostnir og vissu ekki hvaðan á sig stóð veðrið. Þótt ein­hverjir muni hafa nefnt þennan kost í sam­ræðum á kaffi­húsum mun engum hafa dottið í hug að þetta ætti eftir að ger­ast í raun og veru. En öllum kom nú saman um að með þessu tæki Macron meira en litla áhættu, „hann er að leika sér með eld­inn og eins lík­legt að hann brenni sig“, sagði ein­hver „og kveiki í land­inu um leið“.

Eftir þessar kosn­ingar …