Íslendingar kjósa sér forseta í dag. Hér eru nokkrar spurningar um fyrri forseta og forsetakosningar.

Á myndinni hér að ofan er kappi einn sem eitt sinn var í framboði til forseta Íslands. Hvað hét hann?

***

Almennar spurningar:

1. Hver er yngsti maðurinn sem hingað til hefur náð kjöri sem forseti Íslands?
2. Kristján Eldjárn var fyrsta sjónvarpsstjarnan sem náði kjöri til forseta. Um hvað hafði Kristján annast þætti í sjónvarpinu? Svarið þarf að vera nákvæmt.
3. Sigrún Þorsteinsdóttir varð fyrst til að bjóða sig fram gegn sitjandi forseta. Hvaða ár var það?
4. Hver er eini forseti Íslands sem dó í embætti?
5. Baldur Ágústsson varð eitt sinn númer tvö í forsetakosningum af þremur frambjóðendum. Hver varð þá í efsta sæti?
6. Hver varð í öðru sæti þegar Vigdís Finnbogadóttir var kjörin forseti 1980?
7. Aðeins einu sinni hefur forseti náð kjöri í fyrsta sinn með yfir 50 prósentum atkvæða. Hvaða ár var það?
8. Hver er eini forseti Íslands sem var kjörinn af Alþingi en ekki þjóðinni?
9. Hildur Þórðardóttir var í kjöri til forseta Íslands 2016. Hún setti þá ákveðið „met“ sem ekki hefur enn verið slegið. Hvað er það?
10. Hver er eini guðfræðingurinn sem gegnt hefur embætti forseta?

***

Síðari myndaspurning:

Hver voru tengsl þessarar konu við forsetaembættið?

***

Svör við almennum spurningum:

1. Guðni Th. Jóhannesson.
2. Fornleifafræði.
3. 1988.
4. Sveinn Björnsson.
5. Ólafur Ragnar Grímsson.
6. Guðlaugur Þorvaldsson. Skírnarnafn hans dugar reyndar í þetta sinn.
7. 1968, þegar Kristján Eldjárn fékk rúm 65 prósent.
8. Sveinn Björnsson.
9. Hún fékk minnsta prósentufylgi sem nokkur frambjóðandi hefur fengið, 0,2 prósent.
10. Ásgeir Ásgeirsson.

***

Á fyrri myndinni er Albert Guðmundsson sem var í framboði til forseta 1980.

Á neðri myndinni er Georgia Björnsson, fyrsta forsetafrú Íslendinga. Ekki er nauðsynlegt að muna nafn hennar.