Á föstu­dag var nýjasta verk Tyrfings Tyrf­ings­sonar, Lúna, frum­sýnt. Spennan í Borg­ar­leik­hús­inu staf­aði ekki aðeins af eft­ir­vænt­ing­unni sem liggur jafnan í loft­inu á frum­sýn­ingu nýs íslensks leik­verks, heldur mátti einnig skynja áhrif þeirrar umræðu sem skap­ast hefur um erindi og afleið­ingar þess að höf­uð­per­sóna verks­ins sé byggð á Heiðari Jónssyni snyrti, í ljósi blygð­un­ar­sem­is­brota hans gagn­vart ungum mönnum á tíunda ára­tug síð­ustu aldar.

„Við erum miklir vinir. Ég er búinn að fara í lit­grein­ingu. [...] Við erum búnir að tala saman í nokkur ár núna, reglu­lega og verið að vinna í [leik­rit­inu],“ sagði Tyrf­ingur í við­tali við Vísi frá 2023 um vænt­an­legt verk hans, Kvöld­stund með Heiðari snyrti, síðar Lúnu. Þá mátti skilja á skáld­inu að verkið væri vissu­lega um Heiðar sjálfan, en ekki per­sónu byggða á honum, eins og við­kvæðið varð hjá borg­ar­leik­hús­stjóra og Tyrfingi í kjöl­far gagn­rýni for­stöðu­konu Stíga­móta, Drífu Snædal, á verkið. Yfir­lýs­ing Drífu var sett …