Þessi grein birtist fyrir meira en ári.

Engin sjáanleg virkni í gossprungunum

Eng­in sjá­an­leg virkni er í gossprung­un­um við Grinda­vík. Áfram er tal­in mik­il hætta á svæð­inu og er of snemmt að lýsa yf­ir gos­lok­um. Sprung­ur halda áfram að koma í ljós inn­an Grinda­vík­ur.

Engin sjáanleg virkni í gossprungunum
200 smáskjálftar Jarðskjálftavirkni hefur dregist saman en 200 smáskjáltar hafa mælst í kvikuganginum frá miðnætti. Mynd: Golli

Seinustu hraunspýjur komu upp úr nyrðri sprungunni nálægt Grindavík rétt upp úr klukkan eitt í nótt. Síðan þá hefur engin sjáanleg virkni verið í gossprungunum kemur fram í tilkynningu Veðurstofu Íslands. Sprungur halda áfram að koma í ljós innan Grindavíkur.

Jarðskjálftavirkni dregst áfram saman og hafa um 200 smáskjálftar mælst í kvikuganginum frá miðnætti. Bendir það til þess að það sé kvika á hreyfingu og svæðið að jafna sig. Það er of snemmt að lýsa yfir goslokum en mesta skjálftavirknin er við Hagafell, nálægt fyrri gossprungunni sem opnaðist á sunnudaginn. 

Sprungur suðvestanvert við Grindavík sem áður höfðu verið kortlagaðar hafa stækkað töluvert. Var það skoðað með hitamyndum úr dróna í nótt. Drónar hafa verið notaðir til að meta aðstæður í Grindavík. Það er áfram mikil hætta á svæðinu. 

Veð­ur­stof­an var­aði við því að nýj­ar sprung­ur og gosop mynd­ist í eða við Grinda­vík í gær. Jafnt og þétt hafði dregist úr krafti eldgossins við Grindavík. Þrátt fyrir vísbendingar um að gosinu fari senn að ljúka hafa náttúruvársérfræðingar Veðurstofu Íslands lagt áherslu á að svæðið er enn skilgreint sem hættusvæði og óvissan um hvað gerist næst er enn mikil. Varað er við mögulegri opnun nýrra gossprungna á svæðinu.

Kjósa
2
Hvernig finnst þér þessi grein? Skráðu þig inn til að kjósa.

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Mest lesið

Mest lesið í vikunni

Mest lesið í mánuðinum

Brotthvarf að meðaltali hærra úr íslenskum háskólum en í OECD-ríkjum
3
Fréttir

Brott­hvarf að með­al­tali hærra úr ís­lensk­um há­skól­um en í OECD-ríkj­um

Nið­ur­stöð­ur nýrr­ar skýrslu OECD um há­skóla­mál sýna að brott­hvarf er hærra á Ís­landi en að með­al­tali í OECD-ríkj­um. Þá seg­ir að tryggja þurfi að ís­lensk­ir há­skól­ar standi jafn­fæt­is öðr­um OECD há­skól­um. „Þess­ar nið­ur­stöð­ur stað­festa að há­skóla­mál­in þurfa að njóta sér­stakr­ar at­hygli,“ seg­ir Logi Ein­ars­son menn­ing­ar-, ný­sköp­un­ar- og há­skóla­ráð­herra.

Mest lesið í mánuðinum

Nýtt efni

Mest lesið undanfarið ár