„Það er margt sem mætti betur fara í reglum um styrki til einkarekinna miðla, en sú umræða þarf að fara fram á faglegum grundvelli. Alls ekki pólitískum,“ segir Sigríður Dögg Auðunsdóttir, formaður Blaðamannafélags Íslands, í færslu á Facebook.
Þar gerir Sigríður Dögg að umtalsefni ræðu Dóru Bjartar Guðjónsdóttur, borgarfulltrúa Pírata, á borgarstjórnarfundi í gær þar sem Dóra Björt segist telja það eðlilega forsendu þess að fá fjölmiðlastyrk frá ríkinu að fjölmiðill sýni af sér „hlutleysi og styðj[i] við lýðræðishlutverk fjölmiðla.“
Borgarfulltrúi gagnrýndi efnistök
Ræðuna flutti Dóra Björt í umræðum um fjárhagsáætlun Reykjavíkurborgar fyrir komandi ár og vakti töluverða athygli að hún skyldi þar ræða um fjölmiðlastyrki. Hún gagnrýndi þar styrkþegar séu jafnvel fjölmiðlar „sem fylgja augljósri pólitískri stefnu sem snýr að því að sverta borgina yfir í hendur Sjálfstæðisflokksins,“ sagði Dóra Björt.
Hún hélt síðan áfram: „Morgunblaðið dirfðist lengi vel til dæmis til þess að vera með sérstakan undirglugga á forsíðu mbl.is um fjárhagslega erfiðleika Reykjavíkur. Það er varla hægt að hugsa sér grímulausa pólitíska stöðutöku. Finnst okkur þetta bara í lagi?“
Á undir högg að sækja
Sigríður Dögg segist ekki gera athugasemdir við að reglur um úthlutun fjölmiðlastyrkja séu gagnrýndar.. „Hverjum sem er er sömuleiðis frjálst að finna að efnistökum eða nálgun einstaka fjölmiðla. Mér finnst hins vegar athugunarvert að tengja þetta tvennt saman og tel að slíkt geti beinlínis grafið undan fjölmiðlafrelsi. Það er algjör forsenda opinberra styrkja til fjölmiðla að þeir séu án allra pólitískra afskipta og að reglur um þá séu gagnsæjar og sanngjarnar svo þær uppfylli markmið þeirra, sem er að efla frjálsa fjölmiðla í þágu lýðræðis,“ segir hún.
Sigríður Dögg bendir á að það sé óumdeilt að staða íslenskra fjölmiðla hafi sjaldan verið verri og að fagleg blaðamennska eigi undir högg að sækja. Rekstur fjölmiðla sé ósjálfbær á meðan tæknirisar á borð við Google og Facebook sópi til sín þorra auglýsingatekna og ekki hafi tekist að bæta upp það tap með auknum áskriftum.
Upp út skotgröfunum
„Styrkir til einkarekinna miðla eru mikilvæg aðgerð til að bæta upp þann markaðsbrest sem orðið hefur því rekstur fjölmiðla er mikilvægur grundvöllur fyrir faglega blaðamennsku sem er mikilvægur grundvöllur lýðræðis,“ segir hún og bætir við: „Það væri óskandi að stjórnmálamenn gætu sammælst um að taka umræðuna um fjölmiðla og blaðamennsku upp úr skotgröfum pólitískra deilna og myndu vinna í sameiningu að eflingu faglegrar blaðamennsku í þágu almennings og lýðræðisins.“
Sigríður Dögg sem skrifar hér, er hagsmunagæsluaðili fyrir hagsmuni blaða- og fréttamanna. Er vill gjarnan að almenningur styðji útgáfu á fjölmiðlum með miklum útlátum úr ríkissjóði. En slíkir styrkir hækka auðvitað laun sumra blaðamannanna á blöðunum.
Formaður félags blaða- og frétta er auðvitað ekki mark-tækur í þessari umræðu vegna hagsmunatengsla sinna.
Það er hressilega ofmælt að styrkir til fjölmiðla sem hafa þann eina tilgang að standa vörð um ákveðna hagsmuni styrki lýðræðið í landinu.
Það er áberandi að tveir helstu fjölmiðlar í landinu er báðir eru hluti af hagsmunagæslu ákveðinna hagsmuna aðila í atvinnurekstri ásamt slíkum viðhorfum fyrirtækjanna í landinu fá langmestu styrkina.
Það vill svo til, að líklega er mikill meirihluti landsmanna er sammála þessum borgarfulltrúa um að ekki eigi að að styrkja flokkspólitísk áróðursblöð.
Er njóta reyndar einnig styrkja frá fyrirtækjunum á einn eða annan hátt og njóta þannig stuðning frá starfsfólki þessara fyrirtækja.
Í morgunþætti útvarpsins í morgunn fletti útvarps-maðurinn Mogga litla í sífellu og las úr sneplinum eitt og annað.
Það eru auðvitað aðrir fjölmiðlar í landinu sem eðlilegt hefði verið að fengju sömu auglýsingaþjónustu og Moggi litli