Athugasemdir (4)

• 
  Vilhjálmur Örn Vilhjálmsson skrifaði

  4. nóvember 2023 08:52

  Greinilegt er, að margir íslenskir þingmenn þekkja enn ekki skilgreininguna á þjóðarmorði. Má ég vinsamlegast leggja til að menn afli sér nægilegrar menntunar til að setjast á þjóðþing landsins. Hamas, hryðjuverkasamtök, sem margir Íslendingar styðja, hafa hvatt til þjóðarmorða á Ísraelsmönnum og gyðingum almennt; Of margir Íslendingar vilja helst leika sér við slíkt lið.

  -4
  • 
    Ingólfur Gíslason skrifaði

    4. nóvember 2023 10:24

    Þjóðarmorð: vísvitandi aðgerðir til að útrýma tiltekinni þjóð, þjóðarbroti, kynþætti eða trúarhópi að hluta eða í heild. Klárlega það sem Ísrael er að gera núna gagnvart Palestínumönnum og hefur verið að gera síðan að minnsta kosti 1948. Ég man til dæmis þegar ég kom til Ísrael 1995, að Ísraelsbúarnir vildu aldrei tala um Palestínumenn, héldu því fram að þeir væru „bara arabar“ og ættu helst að hypja sig yfir til Jórdaníu til hinna arabanna. Þjóðarmorð felst nefnilega ekki eingöngu í bókstaflegum drápum á fólki (þó það fylgi oft, eins og við horfum upp á núna). Það felst líka í því að reyna að eyða sjálfsmynd fólks, minningum, örnefnum, öllu sem gerir hópinn að „þjóð“.

    6
  • 
    Vilhjálmur Örn Vilhjálmsson skrifaði

    4. nóvember 2023 13:52

    Nei Ingólfur, þjóð, sem hefur farið í gegnum þjóðarmorð (Gyðingar/Ísraelsmenn), sem fær að vita að nágrannar henni hafi í hyggju að útrýma henni, opnar ekki spítala sína fyrir þjóð sem ætlar sér að útrýma henni. Þú hefur ekki lesið alla greinargerð SÞ, eða kannski þarftu ný gleraugu. Nú þegar vígamenn (Hamas fara um og myrða fólk eru við hins vegar komin yfir í skilgreininguna "útrýming þjóðar að hluta til". Svo stendur eftir að Palestína hefur aldrei verið til sem þjóðríki og þeir sem kalla sig Palestínumenn eru mjög sundurleitur hópur, sumir hafa búið lengi, aðrir skemur við botn Miðjarðarhafs. Sumir þeirra eru reyndar komnir af gyðingum sem neyddir voru undir Íslam, t.d. á Gaza, það var líka þjóðarmorð, en framið fyrir tíma þar sem slíkur ósómi á ekki að eiga sér stað. Margir Íslendingar styðja samtök sem hafa útrýmingu Ísraelsríkis og morð á öllum gyðingum í stefnuskrá sinni. Margir Íslendingar eru því meðsekir í tilraunum til þjóðarmorðs á gyðingum. En vitaskuld geta menn haft aðrar skoðanir, sér í lagi ef þeir hata gyðinga nægilega mikið. Margir slíkir einstaklingar búa á Íslandi. Þeim er einnig hægt að stefna fyrir hvatningar til Þjóðarmorða á gyðingum, t.d. þeim sem styðja Hamas.

    -2
  • 
    Þórhildur Ævarsdóttir skrifaði

    5. nóvember 2023 23:05

    Sæll Vilhjálmur Örn. Ég hef sannarlega aflað mér menntunar á sviði þjóðarréttar og sérhæfði mig raunar í alþjóðlegum refsirétti, mannúðarrétti öðru nafni og er með meistaragráðu í þeim fræðum. Mér er þar af leiðandi mjög kunnugt um skilgreininguna á þjóðarmorði. Vill þrátt fyrir það benda þér á að engrar menntunar er krafist til þess að setjast á þjóðþing landsins enda á Alþingi með réttu að innihalda þversnið þjóðarinnar.

    0