Þessi grein birtist fyrir meira en ári.

Fréttir

Helga Vala að hætta á þingi – Hefur ekkert með Kristrúnu að gera

Helga Vala Helgadóttir, oddviti Samfylkingarinnar í Reykjavíkurkjördæmi norður, er að hætta þingmennsku og snúa sér að lögfræðistörfum. Hún segir að þótt það „sé vinsælt að teikna upp þá mynd að tvær konur geti ekki verið saman í herbergi“ þá hafi brottför hennar ekkert með Kristrúnu Frostadóttur að gera.

2. september 2023 · 08:29

Þórður Snær Júlíusson

ritstjorn@heimildin.is

Helga Vala Helgadóttir, sem setið hefur á þingi fyrir Samfylkinguna síðan 2017, er að hætta þingmennsku. Hún ætlar að helga sig lögmannsstörfum og hefur virkjað lögmannsréttindi sín á ný.

Í viðtali við Morgunblaðið sem birtist í dag segist Helga Vala þó ekki vera að fara úr Samfylkingunni, sem mældist með 28,7 prósent fylgi í síðustu könnun Gallup og hefur ekki verið mæld með viðlíka stuðning síðan á vormánuðum ársins 2009. Ef fer sem horfir mun flokkurinn, sem hefur mælst stærsti flokkur landsins allt þetta ár, verða í góðri stöðu til að sitja í næstu ríkisstjórn.

Helga Vala segir að útganga hennar snúist ekkert um Kristrúnu Frostadóttur, sem tók við sem formaður flokksins í fyrra. „Þótt það sé vinsælt að teikna upp þá mynd að tvær konur geti ekki verið saman í herbergi, þá er það bara ekki rétt og brottför mín hefur ekkert með hana að gera.“

Væri búin að skipta um flokk ef hún ætlaði sér það

Helga Vala bauð sig fram til varaformanns Samfylkingarinnar árið 2020 gegn Heiðu Björgu Hilmisdóttur, en tapaði þeim slag. Hún leiddi svo lista Samfylkingarinnar í Reykjavíkurkjördæmi norður í kosningunum 2021 og var gerð að þingflokksformanni í kjölfarið. Sú staða breyttist í fyrrahaust, eftir að Kristrún Frostadóttir varð formaður Samfylkingarinnar. Kristrún ákvað að skipta um formann þingflokks og setja Loga Einarsson, fyrirrennara hennar á formannsstóli, í starfið en því fylgir meiri ábyrgð, áhrif og hærri laun.

Helga Vala segir að ef hún ætlaði sér að skipta um flokk þá væri hún búinn að því. Tilboð þess efnis hefðu þegar borist. „Það gerðist þarna síðasta haust þegar mér var skipt út sem þingflokksformanni, þá héldu sumir að ég væri komin í svo mikla fýlu að ég væri á leið úr flokknum. En ég er ekki þar. Ég er ekki í pólitík fyrir mig og mína hatta.“

Jóhann Páll Jóhannsson, sem var í öðru sæti á lista Samfylkingarinnar í kjördæmi Helgu Völu, náði inn á þing í síðustu kosningum. Fyrsti varaþingmaður kjördæmisins, sem ætti að taka við af Helgu Völu, er Dagbjört Hákonardóttir.

Lítill stóriðjukrati

Í viðtalinu við Morgunblaðinu er Helga Vala spurð um sögur um að hún og Kristrún ættu ekki skap saman og gætu ekki unnið saman. Hún segist hafa heyrt þetta allt. „Fyrst átti þetta að vera milli hennar og Oddnýjar [G. Harðardóttur], en svo heyrði ég einhvern tala um að vinnustaðasálfræðingur hefði komið til aðstoðar vegna þess að mér og Kristrúnu kæmi ekki saman. Mér var a.m.k. ekki boðið í það partí og það hefur engum dottið í hug að spyrja mig hvort það væri fótur fyrir þessari sögu.“

Hún gengst þó við því að vera ekki sammála Kristrúnu um allt. „Það er ekkert leyndarmál að ég er mikill Evrópusinni og lítill stóriðjukrati. Og mitt erindi í pólitík er mannréttindi, réttindi fólks, jöfnuður. Þau mannréttindi geta verið efnahagsleg, náð til kynja, kynþátta, kynslóða … þess vegna steig ég inn.“

Kjósa

Hvernig finnst þér þessi grein? Skráðu þig inn til að kjósa.

Deila

Athugasemdir (4)

Skráðu þig inn til að skrifa athugasemd eða kjósa.

Hlynur Vilhjálmsson skrifaði
2. september 2023 16:01

Það segir mest að öfgahægrifasistarnir eru á móti henni. Þá hefur hún gert góða hluti og megum við styðja hana fyrir það.

0
ADA

Anna Dóra Antonsdóttir skrifaði
2. september 2023 12:18

Eftirsjá að henni, klárlega.

6
Anna Bjarnadóttir skrifaði
2. september 2023 11:15

Það verður mikil eftirsjá í Helgu Völu. Slæmt að missa svo ötula baráttukonu mannréttinda út af Alþingi.

6
GKÞ

Guðni Kr. Þorvaldsson skrifaði
2. september 2023 10:54

Hvernig stendur á því að það fólk sem hefur eitthvað vit í hausnum yfirgefur oftast Alþingi mjög fljótlega, mikill missir af Helgu Völu, hugrekkið heiðarleikinn og manngæsku minnkar helling á Alþingi við að hún yfirgefur

6

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Úttekt

Einhverfir á vinnumarkaði: Starfsmannaskemmtanir bara ólaunuð yfirvinna

Í atvinnuauglýsingum er gjarnan krafist mikilla samskiptahæfileika, jafnvel í störfum þar sem þess ekki er þörf. Þetta getur útilokað fólk, til að mynda einhverfa, sem búa yfir öðrum mikilvægum styrkleikum. Bjarney L. Bjarnadóttir gerði tímamótarannsókn á þessu og leggur áherslu á að atvinnurekendur efli fötlunarsjálfstraust.

Fréttir

Fólki sparkað úr landi fyrir að verja stjórnarskrána

Bandaríkjastjórn bannaði Harvard-háskóla að taka við erlendum nemendum síðastliðinn fimmtudag með nýrri tilskipun en Harvard hefur kært ákvörðunina og segir hana skýrt brot gegn fyrsta viðauka stjórnarskrárinnar um tjáningarfrelsi. Bráðabirgðalögbann hefur verið sett á tilskipunina. „Hægt og rólega erum við að sjá fall Bandaríkjanna," segir Gunnhildur Fríða Hallgrímsdóttir, sem er að útskrifast úr háskólanum.

Vísbending

Þórólfur Matthíasson

Leggjast veiðigjöld á sjávarútvegsbyggðir?

Um „Samantekt gagna vegna umsagnar um frumvarp um breytingar á lögum um veiðigjöld“, sem unnin er af ráðgjafarsviði KPMG fyrir Samtök sjávarútvegsveitarfélaga. Þórólfur Matthíasson, prófessor emerítus í hagfræði, fer yfir málið.

ViðtalHlaupablaðið 2025

Hrakfarirnar fylla reynslubankann

Hafdís Guðrún Hilmarsdóttir gafst upp á Laugaveginum, en hélt áfram. Hún lenti á vegg við Mont Blanc og tábrotnaði á Ítalíu. Hún er enn þá að bæta sig í hraða og vegalengdum eftir fimmtugt og finnur barnslega gleði við að hlaupa niður snævi þaktar hlíðar.

Viðtal

„Fólk þarf að muna að þetta er frí“

Dr. Drífa Björk Guðmundsdóttir er klínískur sálfræðingur. Hún segir sýnilegt dagatal, fasta punkta yfir daginn og svefn geta hjálpað til við að draga úr streitu þeirra sem eru með ADHD yfir sumartímann.

Aðsent

Kristján Þór Sigurðsson

Íslamófóbía - ótti og andúð gegn múslímum: Hverjir eru múslímar?

Kristján Þór Sigurðsson skrifaði doktorsritgerð sína um samfélag múslima á Íslandi. Hann veltir því upp hvers vegna fólk sem þekkir engan múslíma né hefur þekkingu á íslam sé hrætt við múslíma og hafi andúð á íslam.

Mest lesið

Mest lesið í vikunni

Úttekt

Einhverfir á vinnumarkaði: Starfsmannaskemmtanir bara ólaunuð yfirvinna

Viðtal

Var krabbamein í sýninu?

Bylgja Babýlons uppistandari segir ýmislegt benda til að hún hafi fengið ranga greiningu úr skimun fyrir leghálskrabbameini hjá Krabbameinsfélaginu árið 2018 líkt og fleiri konur. Hún greindist með krabbamein rúmum tveimur árum síðar. „Ég vil bara vita hvort það liggi einhvers staðar sýni úr mér á Íslandi frá árinu 2018 merkt „hreint“ þegar það er í raun og veru krabbamein í því.“

Erlent

Listi upploginna bóka var birtur í dagblöðum

Á dögunum birtist listi með bókameðmælum fyrir sumarið í bandarískum dagblöðum. Tíu af fimmtán bókum listans eru ekki til en gervigreind var notuð til að semja hann.

Skýring

„Ég vildi ekki vera stelpan sem öskraði stopp“

Yfir helmingur þeirra sem vinna innan sviðslista á Íslandi hafa orðið fyrir kynferðislegri áreitni í starfi eða í tengslum við það. Á íslenskum vinnumarkaði almennt er sú tala 16%. Hver er staða nándarþjálfunar á Íslandi? „Ég var svo varnarlaus, þar sem leikstjórinn (kk) samþykkti þetta allt,“ kom fram í einni sögunni í yfirlýsingunni Tjaldið fellur árið 2017. Hér er rætt er við leikara og aðra sem þekkja til.

FréttirSamherjaskjölin

Vonast til að rannsókn á Samherjamáli ljúki í sumar

Rannsókn héraðssaksóknara er á lokametrunum og ætti að klárast að óbreyttu á sumarmánuðum.

Viðskipti

Climeworks selt 380 þúsund einingar – aðeins afhent um þúsund

Climeworks hefur selt 380 þúsund kolefniseiningar til almennings og fyrirtækja en aðeins afhent um 1.100 einingar. Climworks tilkynnti uppsagnir 106 starfsmanna um miðja vikuna, skömmu eftir að Heimildin upplýsti að föngun fyrirtækisins væri undir þúsund tonnum árlega.

Mest lesið í mánuðinum

English

Climeworks’ capture fails to cover its own emissions

The carbon capture company Climeworks only captures a fraction of the CO2 it promises its machines can capture. The company is failing to carbon offset the emissions resulting from its operations – which have grown rapidly in recent years.

Viðtal

Hefði ekki dottið í hug að ráða sjálfan sig

Bogi Ágústsson hefur birst landsmönnum á skjánum í yfir fjóra áratugi og flutt Íslendingum fréttir í blíðu og stríðu. Hann segir heiminn hafa breyst ótrúlega mikið til batnaðar á þessum árum en því miður halli á ógæfuhliðina í rekstri fjölmiðla á Íslandi. Af öllum þeim atburðum sem hann hefur sagt fréttir af lögðust snjóflóðin fyrir vestan árið 1995 þyngst á hann. Enn þann dag í dag man hann hvernig var að þurfa að lesa upp nöfn þeirra sem dóu í flóðinu á Flateyri.

Fréttir

Hver er Jón Óttar? - „Ég hef sjálfur fylgst með fólki mánuðum saman“

Jón Óttar Ólafsson, einn þeirra sem stundaði njósnir fyrir Björgólf Thor Björgólfsson árið 2012, gaf út glæpasögu ári síðar þar sem aðalsöguhetjan er lögreglumaður sem stundar hleranir. Jón Óttar vann lengi fyrir Samherja, bæði á Íslandi og í Namibíu, en áður hafi hann verið kærður af sérstökum saksóknara, sem hann starfaði fyrir, vegna gruns um að stela gögnum.

Rannsóknir

Föngun Climeworks stendur ekki undir eigin losun

Climeworks fangar aðeins brot af því CO2 sem það lofar að vélar þess geti fangað. Fyrirtækið nær ekki að kolefnisjafna þá losun sem stafar af umsvifum þess – sem hefur vaxið hratt síðustu ár.

Aðsent

Ónefnd kona skrifar

Bréf frá brotaþola hópnauðgunar

Ofbeldi gerir ekki greinarmun á þolendum eða gerendum eftir uppruna þeirra. Réttlæti má ekki gera það heldur.

ViðtalHlaupablaðið 2025

Níu lykilatriði um hreyfingu að læknisráði

Kristín Sigurðardóttir læknir veitir forvitnilega innsýn í afgerandi áhrif hreyfingar á líkama okkar og heila. Hún varar við „náttúruleysi“ og að fólk rjúfi tengslin við sig sjálft eða náttúruna.