Fyrir Hæsta­rétti Íslands hefur verið rekið dóms­mál sem byggir á því að rík­is­stjórnin hafi gert bak­sam­komu­lag við nokkrar útgerðir um að afhenda þeim meiri mak­ríl­kvóta gegn því að þær slepptu því að fara í skaða­bóta­mál við íslenska ríkið út af úthlutun á mak­ríl­kvótum á árunum 2011 til 2018.

Málið er höfðað af Félagi mak­ríl­veiði­manna sem telja sig hafa verið hlunn­farna í kvóta­út­hlut­un­inni á mak­ríl árið 2019. Félagið telur að stórar útgerðir eins og Ísfélag Vest­manna­eyja, Eskja og Skinney-Þinganes hafi hagn­ast ótil­hlýði­lega á kvóta­setn­ingu mak­ríls á kostnað þess. Stefndi er íslenska ríkið. 

Orðrétt segir í grein­ar­gerð­inni í mál­inu um for­sendur Félags mak­ríl­veiði­manna: „Áfrýj­andi telur að í mál­inu hafi komið fram að það hafi verið ætlan ráð­herra með til­lögu­gerð sinni, sem var veru­lega íviln­andi fyrir stærstu upp­sjáv­ar­veiði­skipin, að útgerðir þess­ara skipa settu ekki fram kröfur á hendur íslenska rík­inu vegna …