Hag­stofan birti í dag nýja mæl­ingu á vísi­tölu neyslu­verðs, og mælist tólf mán­aða verð­bólga nú 9,8 pró­sent, eftir að hafa mælst 10,2 pró­sent í febr­ú­ar­mán­uði. Án hús­næð­islið­ar­ins mælist verð­bólga á Íslandi 8,6 pró­sent und­an­farna tólf mán­uði.

Vísitala neyslu­verðs hækkar um 0,59 pró­sent frá fyrri mán­uði, og mælist nú 580,7 stig. Án hús­næðis mælist vísi­tala neyslu­verðs nú 481,9 stig og hækkar um 0,52 pró­sent frá síð­asta mán­uði.

„Verð á mat- og drykkj­ar­vörum hækk­aði um 0,7% (áhrif á vísi­töl­una 0,11%), verð á fötum og skóm hækk­aði um 4,3% (0,14%) og kostn­aður vegna búsetu í eigin hús­næði (reiknuð húsa­leiga) hækk­aði um 0,8% (0,15%). Verð á hús­gögnum, heim­il­is­bún­aði o.fl. lækk­aði um 1,7% (-0,11%),“ segir í umfjöllun Hag­stof­unnar um mæl­ing­una á vísi­töl­unni.

Mynd frá Hag­stof­unni

Langt umfram nýjustu spá Seðlabankans

Seðla­bank­inn birti nýja verð­bólgu­spá í upp­hafi árs­ins og ljóst er að hún hefur ekki gengið eftir, en þar var því spáð að mæld verð­bólga í jan­úar yrði 9,5 pró­sent og færi svo nokkuð ört lækk­andi, yrði 7,7 pró­sent í febr­úar og 5,9 pró­sent í mars. Annað hefur komið á dag­inn og verð­bólga verið þrá­lát­ari en bank­inn og flestir aðrir grein­endur höfðu búist við.

Til þess að bregð­ast við auk­inni verð­bólgu voru stýri­vextir Seðla­bank­ans hækk­aðir um 1 pró­sentu­stig á dög­unum, og eru stýri­vextir bank­ans nú 7,5 pró­sent.