Á Íslandi er ein­ungis eitt fyr­ir­tæki, Livio Reykja­vík ehf., sem býður fólki sem glímir við ófrjó­semi upp á þjón­ustu á borð við glasa­frjóvg­anir. Ekki segja allir þó farir sínar sléttar eftir að hafa leitað til fyr­ir­tæk­is­ins og gagn­rýna við­mæl­endur Heim­ild­ar­innar hátt verð og óein­stak­lings­bundna þjón­ustu. Segja þeir meðal ann­ars að ekki sé hlustað á fólk sem leitar til Livio og að upp­lýs­inga­gjöf­inni sé ábóta­vant. Dæmi séu um að konur hafi fengið röng lyf og fálát svör við fyr­ir­spurnum. 

Í sér­stakri grúppu á Facebook hafa margar konur greint frá reynslu sinni af Livio. Margar kvarta yfir því hversu lít­il­fjör­legar rann­sóknir séu sem gerðar eru á konum í með­ferð. Ein­hverjar hafa brugðið á það ráð að leita til frjó­sem­is­klíníka á Spáni og í Grikk­landi þar sem þær segj­ast hafa fengið mikið betri þjón­ustu og jafn­vel á sann­gjarn­ara verði.

Finnst vanta upp „á mannlegu hliðina“

Tinna Kristín Þórð­ar­dóttir er ein …