Fyrri aukaspurning:

Úr hvaða Óskarsverðlaunakvikmynd er skjáskotið hér að ofan? Svarið þarf að vera nákvæmt.

***

Aðalspurningar:

1.  Hver málaði frægustu útgáfuna af Síðustu kvöldmáltíðinni?

2.  Hvað gerist fyrsta sunnudag eftir fyrsta fulla tungl eftir vorjafndægur?

3.  Livia Drusilla hefur verið nefnd fyrsta keisaraynja Rómaveldis. Hver var eiginmaður hennar?

4.  Söngvarinn Reginald Kenneth Dwight heldur í dag upp á 76 ára afmælið sitt. En undir hvaða nafni þekkjum við hann?

5.  Í hvaða borg hefur alþjóðadómstóllinn aðsetur?

6.  Hvað voru andstæðingar kommúnista í borgarastríðinu í Rússandi 1918-1921 nefndir?

7.  Á hvaða skaga stendur borgin Múrmansk?

8.  Davíð Oddsson og Ingibjörg Sólrún Gísladóttir sátu bæði á Aþingi lengi vel. En auk þess að vera þingmenn gegndu þau líka bæði tveimur mikilsháttar og eftirsóttum störfum. Hver voru þau störf? Nefna þarf bæði.

9.  Fyrir hvað er borgin Vichy í Frakklandi fræg — eða öllu heldur alræmd?

10.  Fyrir 8.700 árum rann á Íslandi gífurlegt hraun, það mesta sem runnið hefur á Jörðinni í einu gosi frá því ísöld lauk. Hraunið er víða horfið undir yngri hraun eða hefur veðrast mikið,svo það er illsjáanlegt nema fyrir sérfræðinga, en við hvaða á er þetta geysilega hraun kennt?

***

Seinni aukaspurning:

Hvaða geysivinsæla rokkhljómsveit treður hér upp?

***

Aðalspurningasvör:

1.  Leonardo da Vinci.

2.  Þá er páskasunnudagur.

3.  Ágústus.

4.  Elton John.

5.  Haag í Hollandi.

6.  Hvítliðar.

7.  Kólaskaga.

8.  Þau voru bæði borgarstjórar í Reykjavík og utanríkisráðherrar.

9.  Hún var höfuðborg leppríkis Þjóðverja í seinni heimsstyrjöld.

10.  Þjórsá. Það er nefnt Þjórsárhraunið mikla.

***

Svör við aukaspurningum:

Efri myndin er úr Guðföðurnum 2.

Neðri myndin er af hljómsveitinni Rammstein.