Samn­inga­nefnd Eflingar sam­þykkti í gær að boða til verk­falls­að­gerða á tveimur hót­el­keðjum og hjá starfs­mönnum sem starfa við akstur vöru­bif­reiða og olíu­dreif­ingu. Auglýsa á atkvæða­greiðslur meðal félags­fólks um verk­falls­boð­an­irnar í dag. Yrðu þær sam­þykktar myndu aðgerð­irnar bæt­ast við verk­föll starfs­manna Eflingar sem starfa á Íslands­hót­elum, en það verk­fall á að hefj­ast eftir slétta viku og er ótíma­bundið.

Um er að ræða verk­falls­boðun á hót­el­keðj­unni Berjaya Hotels og nær það til um fjögur hund­ruð Efl­ing­ar­fé­laga. Þá er einnig boðað til verk­falls á hót­el­inu Reykja­vík Edition þar sem starfa á annað hund­rað félags­menn í Eflingu.

Þá er boðað til verk­falls hjá Sam­skipum sem tekur til alls vöru­bif­reiða­akst­urs frá höf­uð­stöðvum fyr­ir­tæk­is­ins í Sunda­höfn. Þá var sam­þykkt verk­falls­boðun hjá Olíu­dreif­ingu og Skelj­ungi, bæði er nær til akst­urs en einnig ann­arra starfa. Þau fyr­ir­tæki sjá um allan flutn­ing frá stærstu olíu­birgða­stöð lands­ins, í Örfirisey.

Atkvæða­greiðslur um verk­falls­boð­an­irnar hefj­ast klukkan tólf á hádegi föstu­dag­inn 3. febr­úar og lýkur þeim klukkan sex í eft­ir­mið­dag­inn 7. febr­úar, þegar að verk­föll á Íslands­hót­elum verða hafin. Ef verk­falls­boð­an­irnar verða sam­þykktar hefj­ast verk­föll 15. febr­úar.

Segir áhyggjur af lýðræði innan Eflingar kostulegar

Efling hefur sætt gagn­rýni af hálfu Samtaka atvinnu­lífs­ins fyrir þá aðferð­ar­fræði sem stétt­ar­fé­lagið hefur beitt, að boða til verk­falla fámennra hópa sem hitta ákveðna vinnu­staði fyrir. Með því ráði fáir miklu um kjara­við­ræður stórs hóps, um 21 þús­und félags­manna Eflingar. Sólveig Anna Jóns­dóttir, for­maður Eflingar, gefur lítið fyrir þá gagn­rýni. „Þetta er ákvörðun tekin af samn­inga­nefnd Eflingar, sem hefur þá afstöðu að það sé skyn­sam­legt og árang­urs­ríkt að standa að málum með þessum hætti. Svo segi ég að það er mjög kostu­legt, svo vægt sé tekið til orða, að sjá áhyggjur manna af lýð­ræð­is­legum ferlum í Eflingu þegar þeir eru á sama tíma að reyna að svipta Eflingu sínum sjálf­stæða samn­ings­rétti og þröngva upp á félags­fólk kjara­samn­ingi sem margoft hefur komið fram að hentar ekki Efl­ing­ar­fé­lögum.“

Spurð hvort þau hafi orðið vör við vilja Efl­ing­ar­fólks til að greiða atkvæði um miðl­un­ar­til­lögu rík­is­sátta­semj­ara svarar Sólveig Anna því for­taks­laust neit­andi. „Það hafa verið sama og engar slíkar raddir, það er sann­leik­ur­inn. Þegar við erum að taka ákvarð­anir eins og gert var í gær, um að fara í frek­ari verk­falls­að­gerðir, þá eru það ákvarð­anir sem teknar eru að vel ígrund­uðu máli og við erum búin að kanna hug fólks. Við erum sífellt að meta stemn­ing­una meðal okkar félags­fólks og þau eru til­búin í þetta.“