Fyrri aukaspurning:

Konan á myndinni hér að ofan fékkst við margt um dagana, stjórnmál og fleira, en hún er látin fyrir nokkrum misserum. Hvað hét hún?

***

Aðalspurningar:

1.  Snákur sem hringar sig um staf er tákn hvaða fræðigreinar?

2.  Í Hrafnkelssögu Freysgoða snúast átökin sem sagan greinir frá upphaflega um dýr eitt. Hvaða dýr ?

3.  Í ríkisstjórn Íslands sitja tólf ráðherrar. Aðeins fjórir þeirra heita aðeins einu skírnarnafni. Hverjir eru það? Nefna þarf alla fjóra.

4.  Donald Trump hefur algengt millinafn sem hann notar sjaldan eða aldrei. Hvað er það?

5.  Afmælisdagur hvers var valinn sem dagur íslenskrar náttúru þegar fyrst var haldið upp á daginn 2010?

6.  Höfuðborg Norður Dakota-ríkis í Bandaríkjunum var stofnuð 1872 og kölluð Edwinton eftir einhverjum járnbrautarkóngi. Árið eftir, 1873, var borgin hins vegar skírð upp og fékk þá nafn af þýskum stjórnmálamanni, því forráðamenn borgarinnar vildu lokka þýska innflytjendur til borgarinnar. Hvað hefur þessi borg heitið síðan?

7.  Efni nokkurt er unnið fyrst og fremst úr tveimur jurtum sem heita á latnesku fræðimáli „erythroxylum coca“ og „erythroxylum novogranatense“. Hvaða efni er það?

8.  Sadismi svokallaður er kenndur við franskan rithöfund sem hét Sade. Hvaða aðalstitill fylgir yfirleitt nafni hans?

9.  Í hvaða hafi eru Asor-eyjar?

10.  Með hvaða fótboltaliði lék Gylfi Sigurðsson áður en hann hvarf af sjónarsviðinu?

***

Seinni aukaspurning:

Hvaða stað má sjá á myndinni hér að neðan?

***

Svör við aðalspurningum:

1.  Læknisfræði.

2.  Hest.

3.  Bjarni Benediktsson, Jón Gunnarsson, Katrín Jakobsdóttir, Svandís Svavarsdóttir.

4.  John.

5.  Ómars Ragnarssonar.

6.  Bismarck.

7.  Kókaín.

8.  Markgreifi.

9.  Atlantshafi.

10.  Everton.

***

Svör við aukaspurningum:

Á efri mynd er Guðrún Ögmundsdóttir.

Á neðri má sjá Hafnarfjörð!