Fyrri aukaspurning:

Hver er karlinn á myndinni hér að ofan? Athugið að þið eruð eflaust vanari því að sjá hann nokkru eldri og ekki eins hárprúðan og þarna sést.

***

Aðalspurningar:

1.  Tvö af nyrstu ríkjum Bandaríkjanna heita sama nafni, nema annað er kennt við norður og hitt suður. Hvað heita þau bæði tvö?

2.  Milli hvaða tveggja fyrirbæra er svonefnt vélinda?

3.  Hvað hefur vakið sérstaka athygli í sambandi við leikritið Marat/Sade sem nú er sýnt í Borgarleikhúsinu af leikflokknum LabLoka?

4.  Hver leikstýrir verkinu?

5.  Hvað heitir næstlengsta hvalategundin sem nú syndir um sjó?

6.  Einar Bergur Ingvarsson heitir rétt tæplega fertugur viðskiptafræðingur sem á von á sínu öðru barni í næsta mánuði. Sú staðreynd hefur vakið nokkra athygli en það verður að segjast að athyglin er ekki beinlínis vegna Einars Bergs, heldur vegna þess að ... hvað?

7.  Hvað nefnast — nákvæmlega! — þeir þýsku skriðdrekar sem Úkraínumenn hafa óskað eftir að fá til að verjast Rússum?

8.  Árið 1991 úrskrifaðist ungur karl að nafni Sadiq Khan sem lögfræðingur. Hvaða starfi gegnir hann nú?

9.  Hér er svo þriðja spurningin undan rifjum Þorfinns Ómarssonar um kvikmyndir: Hver af eftirtöldum kvikmyndaleikurum er sá eini sem hefur fengið Óskarsverðlaun bæði fyrir leik og handritsskrif? Er það Woody Allen — Humprey Bogart — Kenneth Branagh — Matt Damon — Ava Gardner — Emma Thompson — Orson Wells?

10.  Hvað gerði Gavrilo Princip sér til frægðar?

***

Seinni aukaspurning:

Af hvaða sort er þessi hvutti?

***

Svör við aukaspurningum:

1.  Norður-Dakota og Suður-Dakota. Svarið getur ekki verið Norður- og Suður-Karólína þar sem þau eru ekki meðal nyrstu ríkjanna.

2.  Munns og maga. Koks og maga er vitaskuld rétt líka.

3.  Leikararnir eru allir af elstu kynslóð leikara.

4.  Rúnar Guðbrandsson.

5.  Langreyður.

6.  Kona hans og barnsmóðir er Kristrún Frostadóttir formaður Samfylkingarinnar.

7.  Leopard 2.

8.  Borgarstjóri í London.

9.  Emma Thompson.

10.  Myrti ríkisarfa Austurríkis-Ungverjaands 1914.

***

Svör við aukaspurningum:

Á efri myndinni má sjá Nikita Krjúsjov leiðtoga Sovétríkjanna eftir daga Stalíns.

Никита Хрущев

Á neðri myndinni er snotur hvutti af sortinni labrador.