Fjár­mála­eft­ir­lit Seðla­banka Íslands telur að Íslands­banki kunni að hafa brotið gegn lögum við fram­kvæmd bank­ans á útboði Banka­sýslu rík­is­ins á 22,5 pró­senta eign­ar­hluta rík­is­ins í bank­anum sjálfum, sem fram fór 22. mars. Þetta kemur fram í til­kynn­ingu frá Íslands­banka, en þar segir frá því að bank­inn hafi fengið í hend­urnar svo­kallað frum­mat fjár­mála­eft­ir­lits­ins vegna athug­unar þess á fram­kvæmd útboðs­ins.

Í enskri útgáfu til­kynn­ingar bank­ans kemur fram að bank­inn sjálfur hafi óskað eftir því að hefja sátt­ar­ferli við fjár­mála­eft­ir­litið, en þess er ekki sér­stak­lega getið í íslenskri útgáfu hennar.

Ekkert er nánar til­greint í til­kynn­ingu Íslands­banka hvaða ákvæðum laga fjár­mála­eft­ir­litið telur að brotið hafi verið gegn, en fram kemur að sátt­ar­ferli sé hafið á milli Íslands­banka og fjár­mál­eft­ir­lits­ins, sem hefur heim­ildir til þess að leggja á stjórn­valds­sektir og ljúka mál­inu með sátt.

Íslands­banki segir að bank­inn muni „á næstu vikum setja fram skýr­ingar sínar og sjón­ar­mið við frummati FME“ og að stjórn­endur bank­ans taki frum­mat fjár­mál­eft­ir­lits­ins „alvar­lega“.

„Eins og áður hefur verið greint frá hefur bank­inn þegar gert breyt­ingar á innri reglum og ferlum og mun halda slíkri vinnu áfram í sátt­ar­ferl­inu,“ segir í til­kynn­ingu bank­ans.

Þær reglur sem bank­inn hefur breytt nú þegar varða verð­bréfa­við­skipti starfs­manna, en alls tóku átta starfs­menn bank­ans eða aðilar tengdir starfs­mönnum þátt í útboð­inu í mars í fyrra, en fyr­ir­tækja­ráð­gjöf og verð­bréfa­miðlun bank­ans voru á meðal umsjón­ar­að­ila þess.