Góðar samræður sem taka sinn tíma

Besta hlað­varp árs­ins 2022 var Rumble Strip að mati The New Yorker. Í rúman ára­tug hefur þátta­stjórn­and­inn Erica Heilman rætt við fólk í nærum­hverfi sínu í Vermont-ríki í Banda­ríkj­unum. Við­mæl­endur hennar eru alls konar fólk, veiði­menn og krakkar svo dæmi séu tekin, og sög­urnar jafn mis­jafnar og þær eru margar. Yfir­skrift þátt­anna er góðar sam­ræður sem taka sinn tíma. Þátta­stjórn­and­inn kynn­ist því hvernig við­mæl­endur hennar lifa líf­inu og hvaða merk­ingu þeir hafa gefið því. Sem dæmi fer hún að veiða með manni og ræðir um leið við hann um hvernig það er að eld­ast og verða ást­fang­inn af ókunn­ugum. Í öðrum þætti situr hún í dádýra­búðum þar sem hún ræðir við mann um veiðar, ein­mana­leika og hvað eigi að gera næst. Hún til­einkar einn þátt­inn barn­æsk­unni og þessum stað sem við getum ekki lengur heim­sótt. Í annan stað rekur hún sögu ungs manns sem fyr­ir­fór sér í Walden, Vermont, hver hann var og hvað hann skildi eftir sig. Annar við­mæl­andi hennar fékk ansi sér­staka bón frá besta vini sínum sem greind­ist með krabba­mein, að aðstoða hann við að deyja. Þátt­ur­inn fjallar um vin­áttu þeirra og síð­ustu mán­uði, vikur og daga fyrir and­látið. Allar þessar sögur eiga það sam­eig­in­legt að á bak við þær er ein­lægur áhugi á líf­inu, fólki og því hvað skiptir máli.