Fólk sem óskar eftir aðstoð vegna bágrar félagslegrar stöðu, fjárhagsörðugleika eða óvæntra áfalla ætti ekki að þurfa að sitja undir ákúrum frá samfélaginu þrátt fyrir að verið sé að biðja um aðstoð vegna einhvers sem ekki myndi teljast nauðþurftir. Fólk sem óskar eftir aðstoð á samfélagsmiðlum til að kaupa draumagjöf fyrir barnið sitt, til að mynda síma eða tölvu, eða fólk sem óskar eftir fjárhagsaðstoð til að kljúfa dýralæknakostnað vegna veikinda gæludýra sinna á ekki skilið hneykslan, hæðnislegar athugasemdir eða skammir.

„Með mína reynslu að baki horfi ég aðdáunaraugum á þetta,“ segir Ingibjörg Sædís um fólk sem, þrátt fyrir að það viti að það muni líklega fá yfir sig holskeflu gagnrýni, óskar eftir aðstoð ókunnugra til að geta veitt börnunum sínum meira en bara það allra nauðsynlegasta, svo dæmi séu tekin. Inga, eins og hún er alla jafnan kölluð, ólst upp við mikla fátækt sem barn og segist því mjög …