Fyrri aukaspurning:
Hvað nefnist hljóðfærið sem karlinn lengst til vinstri er að spila á?
Og svo fæst stórsveitarstig fyrir að vita hvað karlinn heitir!
***
Aðalspurningar:
1. Karlmaður sem ber nafnið Nguyễn — frá hvaða landi er lang líklegast að hann komi?
2. Við hvað fæst Gordon Ramsey fyrst og fremst?
3. En Franz Kafka, hvað var hans aðal?
4. Caligula var vitfirrtur nokkuð, en réði þó ríkjum ... hvar?
5. Hvað er stærsta landið í Vestur-Evrópu?
6. Hvað heitir konungur Spánar?
7. Hvaða þingmaður á Alþingi Íslands hefur gefið út flestar hljómplötur?
8. Einn mektarkarl Gyðinga sem Biblían kann frá að greina átti 700 eiginkonur sem allar voru af göfugu ætterni (þar á meðal ein dóttir faraós) og svo átti hann 300 konur af lægri stigum. Hvaða karl var svo vel kvæntur?
9. Í hvaða ríki tíðkaðist í þúsund ár að binda fætur ungra hefðarmeyja svo þeir urðu smáir og samanbeyglaðir, því þannig þóttu þeir fagrir og líkjast lótusblómum?
10. The Seven Year Itch hét bandarísk gamanmynd sem Billy Wilder leikstýrði og Marilyn Monroe lék aðalhlutverkið í. Þetta þótti skemmtileg mynd en aðalástæðan fyrir því að hún hefur ekki gleymst er ein örstutt sena sem allir hafa að minnsta kosti séð ljósmyndir af. Hvað gerist í þeirri stuttu senu?
***
Seinni aukaspurning:
Hvað heitir kona þessi?
***
Svör við aðalspurningum:
1. Víetnam.
2. Hann er kokkur.
3. Ritstörf.
4. Rómaveldi.
5. Frakkland.
6. Filippus eða Felipe. Hann er númer 6 en enginn þarf að vita það.
7. Jakob Frímann.
8. Salómon konungur.
9. Kína.
10. Blástur úr loftræstingu í gangstétt blæs upp pilsi persónunnar sem Marilyn Monroe leikur.
***
Svör við aukaspurningum:
Á efri myndinni er Benny Goodman að spila á klarinettið sitt.
Á neðri myndinni er ofurfyrirsætan Claudia Schiffer.
Spurningaþrautin
Fyrri grein
936. spurningaþraut: Á hvaða tungumáli orti Óvíd?
Næsta grein
Athugasemdir