Fyrri aukaspurning:

Hér að ofan má sjá sjónvarpsstjörnu eina mikla frá Bandaríkjunum. Hvað heitir hún?

***

Aðalspurningar:

1.  Ný bók Arnaldar Indriðasonar er nú að koma út. Áður en Arnaldur gerðist rithöfundur í fullu starfi var hann blaðamaður og var einkum kunnur sem gagnrýnandi ... arkitektúrs eða bílaíþrótta eða kvikmynda eða ljóða eða málaralistar eða rokktónlistar?

2.  Hvaða íslenskur flugmaður var kunnur fyrir að eiga flugvél með einkennisstafina TF-FRÚ?

3.  E=mc₂. Hver mun hafa fattað upp á þessu fyrst eða fyrstur?

4.  Hvað þýðir E-ið í þessari jöfnu?

5.  Hver var vinsælasta sjónvarpsserían sem tekin var upp hér á landi — að svolitlum parti til — á síðasta áratug?

6.  Árið 1996 varð stutt en allmikið eldgos á ákveðnum stað og hlóðst upp á skömmum tíma svolítið fjall sem fékk nafnið Gjálp. Hvar er þetta fjall?

7.  Hvað heitir einkadóttir Elísabetar heitinnar Bretadrottningar?

8.  Eitt er það dýr af ættinni Asteroidea, sem getur í sumum tilfellum fjölgað sér þannig að hluti af einum armi dettur af og þroskast í annan einstakling. Dýrið fjölgar sér þó líka með öðrum og öllu venjulegri hætti. En hvaða dýr er það sem hefur (sumar tegundir!) þessa sérkennilegu arma? 

9.  Eitt af stórmótum karlafótboltans var haldið á sínum tíma í Úkraínu — og reyndar í Póllandi líka. Hvaða mót var það? Ártal verður að vera rétt, náttúrlega.

10.  Annað stórmót hefur verið haldið í Rússlandi. Og það var ... hvaða mót?

***

Seinni aukaspurning:

Hér má sjá skjáskot úr íslenskri sjónvarpsseríu frá því fyrir þrem árum. Hvað heitir serían?

***

Svör við aðalspurningum:

1.  Kvikmynda.

2.  Ómar Ragnarsson.

3.  Einstein.

4.  Orka.

5.  Game of Thrones, Krúnuleikar.

6.  Undir Vatnajökli.

7.  Anna.

8.  Krossfiskar.

9.  Evrópumeistaramót karla 2012.

10.  Heimsmeistaramótið 2018.

***

Svör við aukaspurningum:

Konann á efri myndinni heitir Ellen DeGeneres.

Serían sem skjáskotið var úr er Pabbahelgar.