Fyrri aukaspurning:

Hvað er á myndinni hér að ofan?

***

Aðalspurningar:

1.  „Djúpur er minn hugur eins og hafið; / gat samt aldrei hugsað mig til þín. / Sátum föst í sama hugarfari, / sem byrgði okkur sýn, ástin mín ...“ Hvað heitir það lag sem byrjar svo?

2.  Og hver samdi það og flutti?

3.  Nær allar munka- og nunnureglur kenna sig við upphafsmann sinn eða -konu. Ein regla kennir sig þó við fjall og svo vill til að eitt klaustra hennar er á Íslandi. Hvað heitir þessi regla?

4.  Og hvar á Íslandi er klaustur hennar?

5.  Hvaða villt spendýr verða flestum mönnum að bana í Afríku?

6.  Franz Jósef var keisari í ríki einu ansi lengi, eða frá 1848 til 1916. Hvaða ríki? Þeir sem þekkja eftirmann hans með nafni fá sérstakt keisarastig!

7.  En hvaða landi tilheyrir Franz Jósef-land?

8.  Hvaða Nóbelshöfundur skrifaði skáldsögurnar Útlendinginn, Pláguna og Fallið?

9.  Í hvaða borg í Norður-Ameríku er Frelsisstyttan?

10.  Hvaða land í Evrópu er oft kallað Helvetia þar um slóðir?

***

Seinni aukaspurning:

Hér eru systur tvær. Hvað heitir pabbi þeirra? Svo er systrastig fyrir að muna hvað þær báðar heita!

***

Svör við aðalspurningum:

1.  Hafið er svart. Sjá og heyra má lagið hér.

2.  Jónas Sig.

3.  Karmel.

4.  Hafnarfirði.

5.  Flóðhestar.

6.  Austurríki, Austurríki-Ungverjalandi, Habsborgararíkinu — þetta er allt rétt. Eftirmaður hans hét Karl.

7.  Rússlandi.

8.  Albert Camus.

9.  New York.

10. Sviss.

***

Svör við aukaspurningum:

Á efri mynd er marglytta.

Á neðri myndinni eru systurnar Eugenie og Beatrice Andrésdætur hertoga.

Andrés og dætur hans.