Fyrri aukaspurning:
Þetta er plakat víðfrægrar kvikmyndar sem er aðeins fárra ára gömul. Hvað heitir kvikmyndin?
***
Aðalspurningar:
1. Hvað þýðir spænska orðið Gracias?
2. En hvað þýðir það þegar sagt er á frönsku að einhver fái „coup de grace“?
3. Hver var frægasti maðurinn sem andaðist 16. ágúst 1977 og var þá aðeins 42 ára að aldri?
4. Í firði einum er lítil eyja innst og heitir Geirshólmi. Þegar ég fór þar um í bíltúr á æskuárum sögðu afi og amma mér að þarna héti Harðarhólmi en það mun hafa verið misskilningur þeirra — og margra annarra. En í hvaða firði er Geirshólmi eða Geirshólmur?
5. Fyrsta eiginlega kjarnorkuver heimsins, sem framleiddi nóg rafmagn fyrir rafmagnsveitu umhverfis, var opnað í Obinsk í Sovétríkjunum. Áður höfðu verið reist nokkur smærri tilraunaver. En hvaða ár var verið í Obinsk tekið í notkun? Var það — 1944 — 1949 — 1954 — eða 1959?
6. Hvaða land var formlega sameinað 3. október 1990 eftir langan aðskilnað
7. Artemisia Gentileschi var uppi á 17. öld á Ítalíu og lagði fyrir sig svolítið sem fátítt var að konur kæmu nálægt í þá daga — og lengi síðan. Hvað fékkst hún við?
8. Hver af þessum málum er eðlisþyngri en járn? Er það — ál — gull — króm (krómíum) — magnesíum — títaníum?
9. Fyrir hvaða kjördæmi situr Katrín Jakobsdóttir á þingi?
10. Vinsæll útvarpsmaður á Rás eitt og rithöfundur andaðist á dögunum fyrir aldur fram og var mörgum harmdauði. Hvað hét hann?
***
Seinni aukaspurning:
Hver er þessi ábúðarmikli karl?
***
Svör við aðalspurningum:
1. Takk.
2. Náðarhöggið, lokahöggið.
3. Elvis Presley.
4. Hvalfirði.
5. 1954.
6. Þýskaland.
7. Hún var málari.
8. Gull.
9. Reykjavík norður.
10. Eiríkur Guðmundsson.
***
Svör við aukaspurningum:
Bíómyndin er hin suður-kóreska Parasite.
Á neðri mynd er Bismarck kanslari Þýskalands.
Spurningaþrautin
Fyrri grein
877. spurningaþraut: Bushidō, Bandera og Edda Björgvinsdóttir
Næsta grein
Athugasemdir