Fyrri auka­spurn­ing:

Hver er hvít­klæddi karl­inn hér lengst til hægri?

***

Aðal­spurn­ingar:

1.  Og í fram­haldi af auka­spurn­ing­unni: Hvaða ár var myndin tekin?

2.  Carl Jung hét karl einn. Hvað fékkst hann við í líf­inu?

3.  Hvaða kona er gjarnan sögð hafa verið beint eða óbeint völd að Tróju­stríð­inu?

4.  Á listum yfir rík­ustu konur heims eru enn sem komið er til­tölu­lega fáar sem telj­ast hafa byggt eigin fyr­ir­tæki upp frá grunni — og orðið mold­ríkar á fram­leiðsl­unni. Allra rík­ustu kon­urnar hafa flestar erft fyr­ir­tæki sem þær stýra síðan eða kom­ist til áhrifa í fjár­mála­fyr­ir­tækjum. Sara nokkur Blakeley byggði þó þannig eigið fyr­ir­tæki upp úr engu og gerði það að stór­veldi á sínu sviði. Fyr­ir­tækið heitir Spanx. Hvað fram­leiðir það?

5.  Nú er mjög rætt um jarð­göng undir Fjarð­ar­heiði. Hvaða þétt­býl­is­stað eiga þau göng — ef af verður — að tengja betur við umheim­inn?

6.  Hvað er eina ríkið í heim­inum sem er kennt við lík­ams­leifar, ekki endi­lega manns?

7.  Inn af hvaða firði, flóa, vík eða vogi gengur Stein­gríms­fjörður?

8.  Hver er lengsta á í Evrópu — sem ekki fellur um Rússland að neinum hluta?

9.  Alvar Aalto var frægur finnskur arki­tekt sem teikn­aði frægt hús í Reykja­vík. Hvaða hús?

10.  Hann fædd­ist 1797, gerð­ist tón­skáld en vakti litla athygli á sínum tíma. Hann lést aðeins 31 árs úr tauga­veiki eða sýf­ilis. Um miðja 19. öld fór frægð hans að vaxa og nú er hann yfir­leitt hafður með á listum yfir 10 mestu tón­skáld klass­íska tím­ans. Hvað hét hann?

***

Seinni auka­spurn­ing:

Hér má sjá ein­falda gerð af gömlum og góðum tölvu- og síma­leik. Hvað nefn­ist sá leikur?

***

Svör við aðal­spurn­ingum:

1.  1968. Þarna er að hefj­ast frægur leikur Vals við portú­galska liðið Benfica á Laug­ar­dals­velli.

2.  Sálfræði, sál­grein­ingar.

3.  Helena fagra.

4.  Aðhalds­fatnað, legg­ings, und­ir­föt. Eitthvað af þessu dugar til að fá stig.

5.  Seyð­is­fjörð.

6.  Fíla­beins­ströndin.

7.  Húnaflóa.

8.  Dóná.

9.  Norræna húsið.

10.  Schubert.

***

Svör við auka­spurn­ingum:

Á efri mynd­inni má sjá Hermann Gunn­ars­son lengst til hægri.

Skjá­skotið á neðri mynd­inni er úr Snake.