Fyrri auka­spurn­ing:

Hvaða dýr er á mynd­inni hér að ofan?

***

Aðal­spurn­ing:

1.  Hvaða þýski leik­maður skor­aði eitt eða tvö mörk í fimm fyrstu leikj­unum á Evr­ópu­meist­ara­móti kvenna á dög­unum?

2.  En hvað heitir enski leik­mað­ur­inn sem skor­aði glæsi­legt mark með hælspyrnu í und­an­úr­slita­leik gegn Svíum?

3.  Lewis Hamilton er íþrótta­maður rétt eins og hinir ónefndu fót­bolta­menn sem hér var spurt um. En hvaða íþrótt stundar hann?

4.  Og fyrst við erum stödd í íþrótt­unum: Banda­ríkja­menn eru vana­lega sterk­astir þjóða í sprett­hlaupum bæði karla og kvenna, en kepp­endur frá smá­þjóð einni — sem telur innan við þrjár millj­ónir manna — veita risa­veld­inu þó ótrú­lega harða keppni, og hafa reyndar oft betur. Hvað heitir landið þar sem þessi sprett­harða þjóð býr?

5.  Hvað heitir vatns­mesta áin sem fellur í Borg­ar­fjörð vestri?

6.  Tveir eða tvennir fossar eru mestir eða alt­ént fræg­astir í þeirri ár. Hvað heita þessir fossar? Hafa þarf bæði nöfnin til að fá stig.

7.  Rit­höf­undur einn heitir George Raymond Richard Martin og skrifar mikla doðranta. Hver er fræg­asta bók hans?

8.  En hvaða íslenski höf­undur skrif­aði bækur á borð við Ráðskona óskast í sveit — má hafa með sér barn, Holdið er tor­velt að temja, Enginn veit hver ann­ars konu hlýtur, Lokast inni í lyftu og síð­ast en ekki síst Gefðu þig fram Gabríel?

9.  Hver samdi lagið Hey Jude?

10.  Hvað kall­ast unga stúlkan sem dr. Martin Brenner tók á barns­aldri frá móður hennar til þess að rann­saka yfir­skil­vit­lega hæfi­leika stúlkunnar?

***

Seinni auka­spurn­ing:

Konan á mynd­inni hér að neðan hét Harriet Haalund. Ég segi ykkur það vegna þess að frómt frá sagt er ekki senni­legt að margir þekki hana með nafni. En karl­arnir þrír voru tölu­vert þekkt­ari. Hvað heita þeir? Hafa þarf tvö nöfn rétt til að fá stig, en lár­við­ar­stig fæst fyrir öll þrjú nöfnin rétt.

***

Svör við aðal­spurn­ingum:

1.  Popp.

2.  Russo.

3.  Kappakstri.

4.  Jamaica.

5.  Hvítá.

6.  Barna­foss og Hraun­fossar. Stigið fæst þó fólk segi Hraun­foss, fremur en Hraun­fossar.

7.  Krúnu­leikar, Game of Thrones.

8.  Snólaug Braga­dóttir.

9.  Paul McCartney.

10.  Eleven, El. Þetta er úr sjón­varps­s­er­í­unni Stranger Things.

***

Svör við auka­spurn­ingum:

Á efri mynd­inni er hýena.

Á neðri mynd­inni eru Sigurður Nordal, Harriet, Krist­mann Guð­munds­son (eig­in­maður Harriet) og Gunnar Gunn­ars­son.