Alls 29 lönd skipa Atl­ants­hafs­banda­lagið, eða NATO, en þeim mun lík­lega fjölga um tvö þegar Finnar og Svíar fá brátt aðild. Ísland er auð­vitað meðal aðild­ar­ríkja en hefur reynt að halda sig frá beinum stríðs­á­tökum, enda oft talað um að við séum her­laust land. Það er þó ekki með öllu rétt. 

Við sendum vissu­lega helst sér­fræð­inga í að reka flug­velli og sinna almanna­tengslum til landa á borð við Afganistan og Írak en við búum líka yfir flota Land­helg­is­gæsl­unnar sem vinnur í nánu sam­starfi við NATO og hefur sinnt hern­að­ar­hlut­verkum. Þetta eru ekki þung­vopnuð skip, en vopnuð engu að síður og notuð til að auka eft­ir­lit með Atl­ants­hafi og víðar á vegum NATO. Þar á meðal til að koma í veg fyrir að afrískir flótta­menn kom­ist til Evrópu.

Þar að auki eru hér hýstar full­komnar orr­ustu­þotur, sem und­ir­rit­aður hefur meðal ann­ars fengið að skoða að innan og utan á „varn­ar­svæð­inu“ við …