Fyrri aukaspurning:
Skjáskotið hér að ofan sýnir leikkonu í kvikmynd sem frumsýnd var í vor og vakti heilmikla athygli. Hver er leikkonan?
***
Aðalspurningar:
1. Þá er eðlilegt að spyrja í framhaldi af því, hvað heitir kvikmyndin? Og þið megið aukinheldur sæma ykkur sérstöku Þorfinns-Ómarssonar-stigi ef þið vitið hvað leikstjórinn heitir!
2. Ný sótt virðist nú vera komin á kreik, kennd við ákveðið dýr. Hvaða dýr?
3. Hversu mörg tímabelti haldiði að séu í Rússlandi? Hér má muna einu, til eða frá.
4. Í Rússlandi er stöðuvatn sem fyrrum var eitt þeirra stærri í heimi, og þótti ægifagurt, en er nú hér um bil þornað upp vegna þess að ám, sem féllu í það, hefur verið veitt sem áveitum út á eyðimerkur. Hvað heitir þetta vatn, eða leifar þess?
5. Í hvaða Suður-Ameríkulandi er hæsta höfuðborg heimsins?
6. Og hvað ætli hún heiti þá?
7. Hvað heitir fulltrúi Viðreisnar í borgarstjórn Reykjavíkur?
8. Hver sendi frá sér skáldsögurnar Tímaþjófinn og Jójó — ásamt öðrum?
9. Hvíta húsið í Washington í Bandaríkjunum er aðsetur ... hvers?
10. Í ákveðinni evrópskri höfuðborg er líka svonefnt Hvíta hús þar sem forsætisráðherrann og ýmis stjórnsýsla hefur aðsetur. Í hvaða borg er þetta?
***
Seinni aukaspurning:
Hvað heitir þessi ungi piltur? Hann hefur nú reyndar elst svolítið frá því þessi mynd var tekin.
***
Svör við aðalspurningum:
1. The Northman. Leikstjórinn heitir Eggers.
2. Apa.
3. Þau eru 11, svo rétt er 10-12.
4. Aral.
5. Bólivíu.
6. La Paz.
7. Þórdís Lóa.
8. Steinunn Sigurðardóttir.
9. Forsetinn.
10. Moskvu.
***
Svör aukaspurningum:
Á efri myndinni er Björk.
Á neðri myndinni er Cristiano Ronaldo.
Spurningaþrautin
Fyrri grein
771. spurningaþraut: „Ísland, ögrum skorið ...“
Næsta grein
Athugasemdir