Fyrri aukaspurning:

Útlínur hvaða Evrópulands má sjá hér?

***

Aðalspurningar:

1.  Hvaða land vann Eurovision-keppnina á dögunum?

2.  Hvað hét hljómsveitin sem keppti fyrir hönd þessa lands?

3.  Hvað nefnist sú tónlistarstefna sem sögð er hafa ráðið ríkjum í stærstum hluta Evrópu svona um það bil 1600-1750?

4.  Einn glæsilegasti fulltrúi þeirrar tónlistarstefnu var lengi tónlistarstjóri og organisti við dómkirkjuna í Leipzig. Hann hét ... ?

5.  Árið 1963 fæddist í Leipzig tónlistarmaður af allt öðru tagi en kirkjuorganistinn. Hann heitir Till Lindemann og er söngvari í grjótharðri rokkhljómsveit. Hljómsveitin heitir ... hvað?

6.  Í hvaða landi er annars Leipzig?

7.  Árið 2017 var frumsýnd breska bíómyndin Mary Magdalene. Hún fékk aðeins miðlungi góða dóma og litla aðsókn þótt hún skartaði ýmsu hæfileikafólki. Meðal þess sem best þótti við myndina var tónlistin en hana sömdu tvö tónskáld, sem oft unnu saman á þeim árum, þótt síðan hafi samstarfi þeirra lokið — af skiljanlegum ástæðum. Hvað heita þessi tvö kvikmyndatónskáld?

8.  Í þessari mynd lék Joaquin Phoenix hlutverk Jesúa frá Nasaret. Aðeins ári síðar fékk hann Óskarsverðlaun fyrir hlutverk hálfgerðs minnipokamanns sem ber heitir Arthur Fleck. Sá verður þó þegar líður á myndina kunnur undir öðru nafni og er þá farinn að hefna sín á þeim sem hann telur hafa gert á sinn hlut. Hvað nefnist Fleck sem sé í myndinni?

9.  Í hvaða borg er Buckingham-höll?

10.  Gunnar á Hlíðarenda átti tvo syni, segir Njála. Nefnið að minnsta kosti annan.

***

Seinni aukaspurning:

Hvaða hjón eru þetta?

***

Svör við aðalspurningum:

1.  Úkraína.

2.  Kalush.

3.  Barokk.

4.  Bach.

5.  Rammstein.

6.  Þýskalandi.

7.  Hildur Guðnadóttir og Jóhann Jóhannsson.

8.  Joker.

9.  London.

10.  Högni og Grani hétu þeir.

***

Svör við aukaspurningum:

Útlínurnar eru útlínur Finnlands.

Hjónin eru Mao Zedong og Jiang Qing. Hún var oft kölluð „madam Mao“ og þess vegna dugar í þessu tilfelli að svara Mao hjónin, þótt hún hafi ekki borið nafn hans formlega.