Fyrri aukaspurning:

Hverju er lýst hér að ofan?

***

Aðalspurningar:

1.  Hvar er Sjallinn?

2.  Fyrrverandi framkvæmdastjóri Eflingar hefur staðið í ströngu síðan hann sagði af sér í vetrarbyrjun. Hvað heitir sá umdeildi karl?

3.  Fyrir tveim vikum gekk Stella Moris í hjónaband með unnusta sínum. Það gekk nú aldeilis ekki átakalaust fyrir sig því bæði eitt núverandi og annað fyrrverandi stórveldi hafa bæði lagt sig öll fram um að leggja stein í götu Moris og unnusta hennar, en þó náðu þau að lokum að gifta sig. Hins vegar er ljóst að það mun líða á löngu þangað til þau geta lifað einhverju í líkingu við eðlilegt hjónalíf. Þau hafa þó sér til huggunar öfluga sveit stuðningsmanna sem berst fyrir málstað þeirra. Hvað heitir hinn nýi eiginmaður Stellu Moris?

4.  Í einni af skáldsögum Halldórs Laxness kemur fyrir kona sem er mjög gefin fyrir að baka stórar miklar tertur, löðrandi í sykri og rjóma og þess háttar. Hvað er konan kölluð?

5.  Í hvaða landi berst uppreisnarhreyfing Houtha gegn ríkisstjórninni og bandamönnum hennar?

6.  Sonja heitir kona nokkur, sem varð drottning í landi einu árið 1991. Hvaða land skyldi það vera?

7.  Þegar jarðskjálftahrina og síðan eldgos gengu yfir Reykjanes í fyrra leituðu fréttamenn mjög ráða hjá skeleggum jarðskjálftafræðingi sem hafði reyndar verið um skamma hríð í vinsælli rokkhljómsveit á sínum tíma. Hvað heitir þessi jarðskjálftafræðingur fullu nafni?

8.  Árið 1883 hóf hin svokallaða Austurlandahraðlest göngu sína. Hvaða borg í Vestur-Evrópu var upphafsstöð þessarar lestarlínu?

9.  En í hvaða borg í austurvegi lauk lestin yfirleitt ferð sinni?

10.  Hvað á fólk langoftast við þegar talað er um Roquefort?

***

Seinni aukaspurning:

Hvað heitir káti karlinn hér að neðan?

***

Svör við aðalspurningum:

1.  Á Akureyri.

2.  Viðar Þorsteinsson.

3.  Julian Assange.

4.  Hnallþóra.

5.  Jemen.

6.  Noregur.

7.  Kristín Jónsdóttir.

8.  London.

9.  Konstantínópel (eða Istanbúl). Um skamma hríð lauk hún ferð sinni í Aþenu svo ég gef líka rétt fyrir ef einhver veit það.

10.  Ost.

***

Svör við aukaspurningum:

Á Bayeux-reflinum er lýst orrustunni við Hastings þegar Normannar lögðu undir sig England.

Á neðri myndinni er handboltagarpurinn Alfreð Gíslason.