Myndir Úkraínustríðið

Ólýsanlegt ástand á brautarstöðinni í Varsjá

Endalaus straumur flótta­manna liggur út úr Úkraínu og yfir til Póllands. Börn og gam­al­menni liggja á gólfum hvar sem pláss finnst. Þó geta ekki allir flúið stríðið. „Amma kemst ekk­ert, nema til guðs,“ sagði hin úkra­ínska Natasha Páli Stef­áns­syni ljós­mynd­ara á aðal­braut­ar­stöð­inni í Varsjá.

Efnisorð
❮ ❯
Setið á gólfum þar sem pláss finnst
Setið á gólfum þar sem pláss finnst
Setið á gólfum þar sem pláss finnst Börn sitja og liggja á gólfum aðalbrautarstöðvarinnar í Varsjá á meðan að foreldrar, því sem næst eingöngu mæður, þeirra reyna að finna þeim leið áfram, á einhvern þann áfangastað þar sem þau geta notið öryggis frá stríðinu í heimlandi sínu.
Mynd 1 af 5
Mynd: Páll Stefánsson
Yfirfull brautarstöð
Yfirfull brautarstöð
Yfirfull brautarstöð Aðbrautarstöðin í Varsjá er yfirfull af flóttafólki sem reynir að tryggja sér miða langt í burtu frá stríðinu.
Mynd 2 af 5
Mynd: Páll Stefánsson
Þreyta og ótti
Þreyta og ótti
Þreyta og ótti Fólkið sem flúið hefur Úkraínu hefur í mörgum tilfellum verið á ferðinni dögum saman, hrætt um öryggi sitt og sinna, þar á meðal fólksins síns sem enn er í Úkraínu. Í sumum tilfellum er samband takmarkað eða stöpult við fjölskylduna sem eftir situr. Fólk endurhleður fréttasíður eða samfélagsmiðla ítrekað til að reyna að fá fréttir af stöðu mála.
Mynd 3 af 5
Mynd: Páll Stefánsson
Taka með sér það sem dýrmætast er
Taka með sér það sem dýrmætast er
Taka með sér það sem dýrmætast er Fólk flýr með börnin sín, takmarkaðan farangur sem oft er aðeins lítið magn fatnaðar og ljósmyndaalbúm. Þeir sem geta taka með sér gæludýrin sín, trygglyndu vinina sem færa þeim styrk og eru haldreipi í heimi sem er farinn fullkomlega á hvolf.
Mynd 4 af 5
Mynd: Páll Stefánsson
Súrrealísk staða
Súrrealísk staða
Súrrealísk staða Þessir litlu drengir bíða sitjandi á ferðatöskum þess að geta haldið lengra áfram. Í baksýn má sjá pólsku útgáfu tímaritsins Vogue sem fjallar um tísku og lífstíl. Sennilega er fátt eins fjarlægt í huga mæðra drengjanna þessa stundina.
Mynd 5 af 5
Mynd: Páll Stefánsson

„Maður sem þekkir mann, sem þekkir mann, sem þekkir mann, gaf okkur síma­númer hjá úkra­ínskum strák í Prag. Við erum á leið­inni þangað með rútu. Hann ætlar að skjóta skjóls­húsi yfir okkur,“ segir Natasha, list­nemi frá Kharkiv, sem var ásamt nöfnu sinni og ljós­mynda­nema á yfir­fullri rútu­stöð Var­sjár­borgar í gær. Það var enda­laus umferð hóp­ferða­bíla að koma austan frá Úkraínu, fullra af konum og börnum, sem halda síðan áfram um alla álf­una. 

Örtroð og kaosFólk bíður í röðum eftir því að kom­ast í lestir á aðal­braut­ar­stöð­inni.
Mynd: Páll Stef­áns­son

Það var skipu­lagt kaos á rútu­stöð­inni. Á aðal­braut­ar­stöð­inni í Varsjá var ástandið ólýs­an­legt. Alltof margt fólk, börn og gam­al­menni sof­andi á gólf­inu hvar sem var pláss. Aðrir að reyna tryggja sér miða, langt í burtu frá þessu stríði. Óformleg könnun sem ljós­mynd­ari gerði leiddi í ljós að straum­ur­inn liggur að tölu­verðu leyti til Þýska­lands, Þjóð­verjar bjóða fólki fría lestar­ferð þangað frá Póllandi. Nokkrum lang­aði til Bret­lands, en það land virð­ist lokað flótta­fólki frá Úkraínu eins og er. Flestir voru þó að færa sig til innan Póllands, því þegar Pól­verjar hafa flutt burt, til dæmis til Íslands, hafa Úkra­ínu­menn mannað þau störf sem þarf að manna.

Reynt að hafa ofan af fyrir börn­unumLítil stúlka horfir á teikni­myndir í síma móður sinnar á meðan beðið er þess sem framundan er.
Mynd: Páll Stef­áns­son

En það eru ekki allir á leið­inni í burt segir Natasha þegar við horfum á enn eina rút­una leggja fyrir utan rútu­stöð­ina. „Mamma varð eftir, hún gat ekki hugsað sér að fara frá hreyfi­haml­aðri móður sinni. Amma kemst ekk­ert, nema til guðs, svo fóta­fúin er hún. En hún man vel eftir seinni heim­styrj­öld­inni, hungr­inu, kuld­anum og grimmd­inni. Þegar ég heyrði í mömmu í fyrra­dag var ekk­ert raf­magn og þær mat­ar­lausar, húsið dimmt og ískalt. Er sagan að end­ur­taka sig?“

Fylgst með fréttumFólk reynir að átta sig á stöð­unni heima fyrir í Úkraínu með því að skoða sam­fé­lags­miðla og frétta­síður.
Mynd: Páll Stef­áns­son
Á leið til Þýska­landsÞessi full­orðnu skötu­hjú biðu eftir rútu til Þýska­lands.
Mynd: Páll Stef­áns­son
Kjósa
0
Hvernig finnst þér þessi grein? Skráðu þig inn til að kjósa.
Efnisorð

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Úkraínustríðið

Nýtt efni

Rógburður og ruglingur í kosningabaráttunni í Bandaríkjunum
ErlentBandaríki Trumps

Róg­burður og rugl­ingur í kosn­inga­bar­átt­unni í Banda­ríkj­unum

Rang­færslum var dreift með orðrómi um veik­indi fram­bjóð­anda, kosn­inga­aug­lýs­ing birt­ist í rangri borg og grun­sam­legar send­ingar til kosn­inga­skrif­stofu inni­héldu duft. Allt setti þetta svip sinn á kosn­inga­bar­átt­una í Banda­ríkj­unum und­an­farna viku. Í ofaná­lag hefur Donald Trump for­seti boðað pen­inga­greiðslur til kjós­enda skömmu fyrir þing­kosn­ing­arnar 3. nóv­em­ber.

Mest lesið undanfarið ár