Fyrri aukaspurning:

Hver er konan hér að ofan?

***

Aðalspurningar:

1.  Hvaða hetja þurfti að passa sérstaklega upp á hælinn á sér?

2.  Í hvaða borg hefur enska fótboltaliðið Arsenal aðsetur?

3.  Hvað hét skip Ahabs skipstjóra?

4.  Þórdís Lóa Þórhallsdóttir er borgarfulltrúi í Reykjavík. Fyrir hvaða flokk?

5.  Í hvaða landi er borgin Gdynia?

6.  N'Sync var amerísk „drengjahljómsveit“ sem var starfandi 1995-2002. Meðlimir hennar hafa látið að sér kveða eftir að hljómsveitin hætti en einn þeirra er þó frægari en allir hinir til samans. Hvað heitir hann?

7.  Hvað er rosmhvalur?

8.  Rosmhvalanes eru víst á fleiri en einum stað á Íslandi en það þekktasta gengur út úr öðru mun stærra nesi sem er ...?

9.  Sandra Day O'Connor heitir kona sem á víst pláss í sögu þjóðar sinnar. Hvers vegna?

10.  „I've seen things you people wouldn't believe... Attack ships on fire off the shoulder of Orion... I watched C-beams glitter in the dark near the Tannhäuser Gate. All those moments will be lost in time, like tears in rain ... Time ... to die.“ Úr hvaða kvikmynd er þessi texti? Og lárviðarstig er í boði fyrir þau sem vita hvað persónan heitir sem mælti þessi orð. Persónan, ekki leikarinn. 

***

Seinni aukaspurning:

Hver er konan með þennan fína hatt?

***

Svör við aðalspurningum:

1.  Akkiles.

2.  London.

3.  Pequod.

4.  Viðreisn.

5.  Póllandi.

6.  Justin Timberlake.

7.  Rostungur.

8.  Reykjanesi.

9.  Hún er fyrsta konan sem varð Hæstaréttardómari í Bandaríkjunum.

10.  Blade Runner heitir kvikmyndin. Og persónan heitir Roy Batty — en annaðhvort nafnið dugar fyrir lárviðarstiginu!

***

Svör við aukaspurningum:

Á efri myndinni er dansmærin Mata Hari.

Á neðri myndinni er keisaraynjan Alexandra í Rússlandi. Til hliðar er eiginmaður hennar, Nikulás II keisari.