„Eftir tölu­verða umhugsun hef ég ákveðið að fara með kosn­inga­málið í Norð­vest­ur­kjör­dæmi til Mann­rétt­inda­dóm­stóls Evrópu,“ segir í yfir­lýs­ingu sem Magnús Davíð Norðdahl, lög­maður og fram­bjóð­andi Pírata í kjör­dæm­inu, sendi frá sér rétt í þessu.

Sigurður Örn Hilm­ars­son, for­maður Lög­manna­fé­lags Íslands og eig­andi lög­mann­stof­unnar Réttur, mun fara með málið fyrir hönd Magnúsar. 

Magnús lagði fram kæru til Alþingis þann 1. októ­ber síð­ast­lið­inn og krafð­ist ógild­ingar kosn­ing­anna í Norð­vest­ur­kjör­dæmi. „Allar máls­á­stæður kærunnar, hver um sig og eins allar saman, fólu í sér ógild­ingarann­marka
sem voru til þess fallnir að draga úr trú­verð­ug­leika taln­ing­ar­innar,
sama hvort litið var til þeirrar fyrri eða síð­ari, lög­brota og starfa
yfir­kjör­stjórnar í heild og þar með trú­verð­ug­leika kosn­ing­anna sem fram
fóru í kjör­dæm­inu,“ segir Magnús. 

Kjarna máls­ins segir hann vera þann að „fyrir lágu tvær taln­ingar í mein­göll­uðu ferli þar sem hver ágall­inn á fætur öðrum hefur komið í ljós. Vilji kjós­enda lá engan veg­inn fyrir enda breytt­ust nið­ur­stöður milli taln­inga sem leiddu til breyttrar sam­setn­ingar þings­ins“.

„Þingmenn, fram­bjóð­endur og kjós­endur í land­inu vita því ekki hvort núver­andi sam­setn­ing þings­ins er rétt. Slíkt þing getur aldrei talist lög­mætt.“

Segir þingmenn þurfa íhuga stöðu sína

Magnús segir í yfir­lýs­ing­unni að þeir 42 þing­menn sem lögðu blessun sína yfir kosn­ing­arnar í Norð­vest­ur­kjör­dæmi þurfi að „íhuga stöðu sína og fram­tíð í stjórn­málum fari svo að mál þetta vinn­ist fyrir Mann­rétt­inda­dóm­stól Evrópu“.

„Enginn ætti að taka lýð­ræð­inu sem gefnum hlut, sér­stak­lega þegar kjörnum full­trúum er falið að úrskurða um gildi kosn­inga þar sem þeir sjálfir
náðu kjöri. Ég trúi því að rétt­lætið muni sigra í þessu máli þó síðar
verði.“