„Við erum enn í sömu stöðu, við erum að bíða eftir svari frá Sjúkratryggingum Íslands sem eru svo að bíða eftir svörum frá heilbrigðisráðuneytinu,“ segir Teitur Guðmundsson, framkvæmdastjóri Heilsuverndar, sem er nú eini aðilinn sem stendur til að semja við af hálfu Sjúkratrygginga um rekstur hjúkrunarrýma til að létta af álagi á Landspítalann, en enn er ekki búið að semja um rekstur rýmanna.

Fjölgun hjúkrunarrýma tryggð í fjárlögum

Í fjárlögum fyrir þetta ár var gert ráð fyrir að rúmum milljarði króna yrði varið í að fjölga hjúkrunarrýmum. „Með þessu viðbótarfjármagni getum við lyft grettistaki og fjölgað hjúkrunarrýmum varanlega þar sem þörfin er mest,“ sagði Svandís Svavarsdóttir heilbrigðisráðherra þann 10. desember 2020 í frétt frá Stjórnarráðinu. 

„Gert er ráð fyrir að Sjúkratryggingar Íslands geti auglýst eftir húsnæði og rekstraraðilum fyrir ný hjúkrunarrými í samræmi við lög um opinber innkaup fljótlega eftir áramót,“ stóð einnig í fréttinni.

Þann 17. febrúar síðastliðinn auglýstu …