Fyrri spurningaþraut:

Á myndinni hér að ofan má sjá ameríska ofurhetju sem hefur gert garðinn frægan í ýmsum myndum síðan 1962. Hvað heitir þessi hetja?

***

Aðalspurningar:

1.  Hann fæddist 1770 í Bonn í Þýskalandi og lést 1827, 56 ára gamall. Hann er gjarnan talinn einn mesti snillingur tónlistarheimsins og lét ekki á sig fá þótt hann stríddi á síðari hluta ævinnar við vanda sem gerði honum erfitt fyrir á því sviði. Hvað hét hann?

2.  Blackjack er fjárhættuspil eitt sem þróaðist í Bandaríkjunum og Kanada en bresk útgáfa nefnist Pontoon. Þetta er eitt af vinsælustu fjárhættuspilum heims og kemur oft fyrir í bíómyndum og sjónvarpsþáttum sem gerist í spilavítum. Íslendingar þekkja líklega best nafnið á upprunalegu útgáfunni, sem mun vera komin frá Frakklandi. Hvað nefnist sú útgáfa?

3. Dairy Queen er bandarískt fyrirtæki sem einu sinni hafði fótfestu á Íslandi. Hver er þekktasta framleiðsluvara Dairy Queen?

4.  Hvað heitir leikarinn sem fór með hlutverk Mad Max í nokkrum kvikmyndum en hefur síðan leikið til dæmis skoska frelsishetju, Hamlet Danaprins og löggu í myndaröðinni Lethal Weapon? Hann hefur og leikstýrt myndum um Jesú Krist og hina grimmu Asteka í Mexíkó. 

5.  Við hvaða borg er flugvöllur sem kenndur er við píanóleikarann Frederic Chopin?

6.  En flugvöllur sem heitir eftir John Lennon?

7.  Kampavín er kennt við hérað í ... hvaða landi?

8.  Árið 1918 sögðu þrír keisarar í Evrópu af sér embætti. Einn þeirra bjó í Þýskalandi og hét ... ?

9.  Keisari númer tvö bjó ívið sunnar en sá þýski, þótt ekki munaði miklu. Hvað hét hann?

10. Þriðji keisarinn, sem sagði af sér 1918, hann bjó ögn sunnar og austar en hinir. Sumum fannst að landið hans verðskuldaði varla að halda uppi þjóðhöðingja með keisaranafn, en hann hafði nú kallað sig keisara samt. Hvað land var hér um að ræða?

***

Seinni spurningaþraut:

Hvað heitir hljómsveitin á myndinni hér að neðan?

***

Svör við aðalspurningum:

1.  Beethoven.

2.  21.

3.  Rjómaís.

4.  Mel Gibson.

5.  Varsjá.

6.  Liverpool.

7.  Frakklandi.

8.  Vilhjálmur.

9.  Karl — hann var keisari í Austurríki-Ungverjalandi.

10. Búlgaríu.

***

Svör við aukaspurningum:

Ofurhetjan er vitaskuld Thor Odinson. Eða bara Þór, það dugar.

Hljómsveitin hét Lummurnar.