Þessi grein birtist upphaflega í Stundinni fyrir meira en 4 árum.

Vilja koma á gjaldtöku við eldgosið sem fyrst

Fjöl­breytt­ur hóp­ur vill rukka fyr­ir bíla­stæði við gos­stöðv­ar á Reykja­nesi. „Ger­um þetta nú endi­lega ekki að enn einu mál­inu þar sem verð­ur tipl­að ár­um sam­an í kring­um spurn­ing­una um gjald­töku, skell­um henni bara á strax,“ skrif­ar fram­kvæmda­stjóri Fé­lags at­vinnu­rek­enda.

Vilja koma á gjaldtöku við eldgosið sem fyrst
Vilja gjaldtöku Hvatt er til þess að gjaldtaka verði tekin upp á bílastæðum við gosstöðvarnar.

Ólafur Stephensen, framkvæmdastjóri Félags atvinnurekenda, kallar eftir gjaldtöku fyrir bílastæði við gosstöðvar á Reykjanesi til þess að fjármagna framkvæmdir og gæslu á svæðinu. Hugmyndin hefur mætt stuðningi fjölbreytts hóps.

Björn Teitsson, kynningarstjóri og fyrrverandi formaður Samtaka um bíllausan lífsstíl, vakti máls á þessu í Morgunblaðinu í dag. Sagði hann bílastæðamál í ólestri, fimm kílómetra langa röð af bílum og engin laus stæði við gosstöðvarnar. „Grindavíkurbær gæti strax byrjað að rukka 1.000 kall í stæði og það myndi þýða svona 5-10 milljónir á dag, sem væri hægt að nota í þjónustu. Nú er enginn að borga neitt nema frjáls framlög til björgunarsveita, sem er gott og blessað, en það munar engan um að borga líka 1.000 kall í stæði og allir eru til í það.“

Ólafur studdi hugmynd Björns í færslu á Facebook í morgun. „Það blasir við hverjum sem leggur leið sína þangað að gera þarf meiri ráðstafanir til að taka við þessum gríðarlega fjölda sem vill skoða gosið,“ skrifar Ólafur. „Ég er svo hjartanlega sammála því sem Björn Teitsson leggur til og blaðið segir frá, að rukkað verði fyrir bílastæði á svæðinu, þúsundkall á bíl og þá eru strax komnar nokkrar milljónir á dag til að setja í stígagerð, merkingar, gæzlu o.s.frv. Gerum þetta nú endilega ekki að enn einu málinu þar sem verður tiplað árum saman í kringum spurninguna um gjaldtöku, skellum henni bara á strax. Allir borga glaðir. Ég lagði inn á björgunarsveitina Þorbjörn fyrst ég fékk ekki að borga inn á svæðið.“

„Allir borga glaðir“

Fjöldi fólks styður tillöguna í athugasemdum við færslu Ólafs. „Skynsamleg tillaga,“ skrifar Hannes Hólmsteinn Gissurarson, prófessor við Háskóla Íslands. „Eðalhugmynd hjá þér,“ segir Ásthildur Sturludóttir, bæjarstjóri á Akureyri, um hugmynd Björns.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Mest lesið

Mest lesið í vikunni

Indriði Þorláksson
2
Pistill

Indriði Þorláksson

Veiði­gjöld, hagn­að­ur og raun­veru­leg af­koma

Sam­tök fyr­ir­tækja í sjáv­ar­út­vegi hafa mót­mælt hækk­un veiði­gjalda með röng­um for­send­um og áróðri. Al­menn­ing­ur styð­ur hins veg­ar að hlut­ur þjóð­ar­inn­ar í arði af fisk­veiðiauð­lind­inni verði auk­inn. Reikn­uð auð­lindar­enta end­ur­spegl­ar raun­veru­lega af­komu bet­ur en bók­halds­leg­ur hagn­að­ur, sem get­ur ver­ið skekkt­ur með reikn­ings­færsl­um og eigna­tengsl­um.

Mest lesið í mánuðinum

Forsprakki útifundar játaði fjárdrátt á leikskólanum Klettaborg
2
Fréttir

Forsprakki úti­fund­ar ját­aði fjár­drátt á leik­skól­an­um Kletta­borg

Sig­fús Að­al­steins­son, stofn­andi hóps­ins Ís­land - þvert á flokka, sem stend­ur fyr­ir úti­fund­um um hæl­is­leit­end­ur, ját­aði á sig fjár­drátt frá leik­skól­an­um Kletta­borg þeg­ar hann var for­stöðu­mað­ur þar. Hann vill ekki dæma hvort brot af því tagi séu nógu al­var­leg til að inn­flytj­end­ur sem gerð­ust sek­ir um þau ætti að senda úr landi.
Drengir kvörtuðu undan kennara og var meinað að sitja kennslustundir
6
Úttekt

Dreng­ir kvört­uðu und­an kenn­ara og var mein­að að sitja kennslu­stund­ir

Tólf ára gaml­ir dreng­ir leit­uðu til skóla­stjóra vegna meints of­beld­is af hálfu kenn­ara. Í kjöl­far­ið var þeim mein­að að sitja kennslu­stund­ir hjá kenn­ar­an­um. Ann­ar baðst af­sök­un­ar eft­ir tvær vik­ur og fékk þá að koma aft­ur í tíma. Hinn sætti út­skúf­un í tvo mán­uði, áð­ur en skól­an­um var gert að taka dreng­inn aft­ur inn í tíma. For­eldr­ar drengs­ins segja kerf­ið hafa brugð­ist barn­inu og leit­uðu að lok­um til lög­reglu.

Mest lesið í mánuðinum

Nýtt efni

Mest lesið undanfarið ár