Losun Íslands á gróð­ur­húsa­loft­teg­undum var 19.900 kílótonnum koltví­sýr­ingsí­gilda minni árið 2018 en ef jarð­efna­elds­neyti hefði verið notað í stað jarð­orku og vatns­afls. Engu að síður er losun á hvern íbúa Íslands mikil á heims­vísu og tvö­falt meiri en á hvern íbúa í Svíþjóð.

Þetta kemur fram í svari Guð­mundar Inga Guð­brands­sonar umhverfis- og auð­linda­ráð­herra við fyr­ir­spurn Ásmundar Frið­riks­sonar, þing­manns Sjálf­stæð­is­flokks­ins. Ásmundur vildi vita hversu mikið meiri losun Íslands væri ef not­ast væri við jarð­efna­elds­neyti til hús­hit­unar á Íslandi og við fram­leiðslu raf­orku vegna stór­iðju á Íslandi.

Orku­stofnun veitti ráð­herra tölur úr lofts­lags­bók­haldi frá 2018 sem sýna að 3.700 kílótonn sparist vegna hús­hit­unar með end­ur­nýj­an­legum orku­gjöfum. Til sam­an­burðar var heild­ar­losun Íslands það ár 4.857 kílótonn koltví­sýr­ingsí­gilda. Auk þess spar­ast 16.200 kílótonn vegna raf­orku­fram­leiðslu frá jarð­orku og vatns­afli í stað olíu. Megnið af þeim sparn­aði kemur til vegna raf­orku­notk­unar stór­iðju, alls 85 pró­sent, en þar spör­uð­ust …