Kamala Harris verður brátt fyrsta konan til að gegna embætti varaforseta Bandaríkjanna. Það verður jafnframt í fyrsta sinn sem varaforseti ríkisins er ekki hvítur á hörund.  Þrátt fyrir þau tímamót eru margir á vinstri væng Demókrataflokksins andvígir henni og segja hana táknmynd rangrar stefnu í löggæslumálum. „Kamala er lögga“ hefur verið notað sem slagorð af stuðningsfólki Black Lives Matter-hreyfingarinnar.

Joe Biden er 78 ára og aldrei áður hefur svo aldraður maður gegnt embætti forseta Bandaríkjanna. Ronald Reagan átti metið en hann var enn 77 ára þegar hann lét af embætti eftir átta ára valdatíð. Biden er því 9 árum eldri en Reagan var þegar hann tók fyrst við embætti.

Fyrir vikið beinist meiri athygli en vanalega að væntanlegum varaforseta, Kamölu Harris. Hún er 56 ára unglamb frá Kaliforníu og mikil vonarstjarna innan Demókrataflokksins. Móðir hennar kom til Bandaríkjanna sem innflytjandi frá Indlandi og faðir hennar er frá Jamaíka. Harris bjó …