Hversu langt mega stjórnvöld ganga?

Frumvarp til breyt­inga á sótt­varna­lögum var kynnt af heil­brigð­is­ráð­herra til Alþingis þann 23. nóv­em­ber síð­ast­lið­inn, eftir ábend­ingar frá umboðs­manni Alþingis. Frum­varpið kveður á um marg­vís­legar breyt­ingar á núgild­andi lögum, en þar er meðal ann­ars verið að skýra betur ákveðin hug­tök, svo sem sam­komu­bann. Þá er kynnt nýtt hug­tök í íslenskum lögum; útgöngu­bann. Umdeilt er á þingi hvort þörf sé á því að stjórn­völdum sé heim­ilt að leggja á útgöngu­bann. Jón Þór Ólafsson, for­maður stjórn­skip­unar- og eft­ir­lits­nefndar, hefur óskað eftir rök­stuðn­ingi fyrir þeim aðgerðum sem ráð­ist hefur verið í og mati á afleið­ingum þeirra. Þá hafa tveir þing­menn Sjálf­stæð­is­flokks­ins gengið harka­lega fram í gagn­rýni á stjórn­völd og sagt þau komin á ystu nöf vegna far­sóttar sem sé ekki „drep­sótt“ og helst hættu­leg tak­mörk­uðum hópi fólks. Páll Hreins­son, doktor í stjórn­sýslu­fræðum, hefur hins vegar áréttað fyrir nefnd­inni að því meiri sem hættan er fyrir líf og heilsu fólks því víð­tæk­ari heim­ildir hafa …