„Við hefðum átt að standa með henni algjör­lega og afdrátt­ar­laust – þess í stað gáfum við út yfir­lýs­ingu sem var útvötnuð.“ Þetta segir Þorbjörg Þor­valds­dóttir, for­maður Sam­tak­anna ‘78, um hand­töku á hinsegin aktí­vista í Gleði­göng­unni í fyrra. Stjórn sam­tak­anna hefur beðist afsök­unar á slökum við­brögðum sínum. „Hún var hand­tekin fyrir það sem hún er og fyrir það sem hún stendur,“ segir Þorbjörg. „Hún var „prófíluð“.“

Fjallað var um hand­tök­una á sínum tíma, en þá var ekki vitað að hand­takan væri til­komin vegna ábend­ingar stjórnar Hinsegin daga til lög­reglu. Elínborg Harpa Önund­ar­dóttir, sem var hand­tekin, greindi frá því á Facebook í vik­unni að skýrsla eft­ir­lits­nefndar með störfum lög­reglu, sem hún hefur undir höndum, varpi nýju ljósi á atburða­rás­ina og hlut­verk stjórn­ar­innar í ofbeldi gagn­vart hinsegin fólki.

Stjórnir Sam­tak­anna ‘78 og Trans Íslands sendu sam­dæg­urs afsök­un­ar­beiðnir á við­brögðum sínum. …