„Fossinn Glymur og lands­lagið í kringum hann er í algjöru upp­á­haldi. Auðvitað er lands­lagið ægi­fag­urt en aðal­lega höldum við upp á þetta svæði vegna þess að gangan er mátu­lega krefj­andi fyrir alla, eins og til dæmis að þurfa að fara yfir ána á við­ar­drumb, að ganga upp að foss­inum, vaða aftur yfir ána á sleipum steinum án þess að detta og svo hlaupa alla leið­ina niður! Það er full­komið að fara með gott nesti í þetta dásam­lega umhverfi.  

Annar staður sem Caroline nefnir er lít­ill foss í Hval­firði sem er minna þekktur en Glymur og heitir Sjáv­ar­foss. „Þessi foss er auð­vitað ekk­ert í sam­an­burði við Glym en það sem okkur finnst skemmti­legt er að elta ána, fara yfir hana, blotna í fæt­urna og hlæja mikið. Krökk­unum finnst þetta mjög gaman og þetta hafa verið miklar gæða­stundir. Svo er annar staður sem okkur þykir mjög vænt um, en það …