Aukaspurningar snúast að venju um myndirnar sem hér fylgja:

Hvað heitir dýrið hér að ofan sem kúrir í feldi móður sinnar?

Hvað heitir hljómplatan sem við sjáum albúmsbrot af hér að neðan?

1.   Hringar úr ryki, grjóti og ísmolum eru umhverfis nokkrar reikistjörnur. Utan um hvaða plánetu eru þeir langmest áberandi?

2.   „Nú er frost á Fróni / frýs í æðum blóð, / kveður kuldaljóð / Kári í jötunmóð.“ Hver orti þetta? Hér þarf fornafn með annaðhvort föðurnafni eða alkunnu viðurnefni.

3.   Úr hvaða bók er þessi ævintýralega frásögn: „Á þeim tímum voru risarnir á jörðinni og einnig síðar er synir Guðs höfðu samfarir við dætur mannanna og eignuðust með þeim börn. Það voru hetjurnar sem í fyrndinni voru víðfrægar.“

4.   Kvikmyndastjarnan Laura Dern þykir aukast að íþrótt og frægð með hverju árinu en undanfarið hefur hún vakið athygli í myndinni Little Women og sjónvarpsseríunni Big Little Lies. Áður hafði hún meðal annars í Twin Peaks og risaeðlumyndum úr smiðju Steven Spielbergs. En fyrir 34 árum kom Laura Dern fyrst fram á sjónarsviðið í víðfrægri  og gríðarlega töff mynd David Lynch, þar sem hún lék kornung á móti stjörnum eins og Isabellu Rossellini, Kyle MacLachlan og Dennis Hopper. Hvað hét þessi mynd?

5.   Rússneski kvikmyndaleikstjórinn Andrei Tarkovskí þótti einn mesti listamaður hvíta tjaldsins á ofanverðri 20. öld. Íslensk leikkona lét í síðustu mynd hans árið 1985. Myndin hét Fórnin en hver er leikkonan?

6.   Hvað heitir höfuðborgin í Suður-Kóreu?

7.   Hvað hét faðir Elísabetar Englandsdrottningar?

8.   Hvað er mælt í ljósárum?

9.   Halldór Laxness fékk Nóbelsverðlaun árið 1955. Hver fékk þessi verðlaun árið á undan honum?

10.   Á Ítalíu eru þrjú virk eldfjöll: Vesúvíus, Etna og ... ja, hvað heitir þriðja fjallið?

Svörin eru hér:

1.   Satúrnus.

2.   Kristján Jónsson fjallaskáld.

3.   Biblíunni.

4.   Blue Velvet. Sjá hér.

5.   Guðrún S. Gísladóttir.

6.   Seúl.

7.    Georg 6.

8.   Fjarlægðir - í geimnum fyrst og fremst, enda ekki margt hér á jörðu sem þörf er á að mæla í ljósárum.

9.   Ernst Hemingway.

10.   Stromboli.

Dýrið heitir mauraæta.

Platan er vitanlega London Calling með The Clash.

Plötuumslagið er svona:

Og hér er næsta þraut á undan.