Myndbandið Plandemic fór eins og eldur í sinu um netheima á dögunum, þrátt fyrir að stjórnendur Youtube gerðu sitt besta til að eyða því út af vefnum jafnóðum. Því var einnig eytt af Facebook, Twitter, Vimeo og öðrum síðum en milljónir sáu myndbandið engu að síður.

Uppistaðan í Plandemic er viðtal við samsæriskenningasmiðinn Judy Mikovits. Hún hefur árum saman talað fyrir ýmsum vafasömum kenningum sem stangast á við þekkt vísindi. Mikovits heldur því meðal annars fram að kórónaveiran hafi verið hönnuð á tilraunastofu og að þeir sem hafi fengið bóluefni við flensu séu af einhverjum dularfullum ástæðum líklegri til að smitast af COVID. Þá segir hún að andlitsgrímur séu hættulegar þar sem þær valdi því að fólk smiti sjálft sig með því að anda að sér eigin vírusum og spítalar séu vísvitandi að falsa COVID-smit til að fá hærri fjárframlög frá ríkinu.

Læknar og vísindamenn um allan heim voru fljótir …