Allt öðruvísi efnahagshögg en í hruninu 2008

Heimilin ættu að kom­ast mun betur undan efna­hags­lega högg­inu sem fylgir afleið­ingum COVID-19 veirunnar en banka­hrun­inu 2008 að mati sér­fræð­inga. Nið­ur­staðan mun þó velta á því hvort stjórn­völd tryggi áfram­hald­andi tekjur þeirra sem lenda í sótt­kví eða missa vinn­una, hvort bankar verði fyr­ir­tækjum lið­legir og hversu lengi sam­komu­bann og aðrar slíkar hindr­anir verða til staðar.

Ólafur Mar­geirs­son, doktor í hag­fræði, segir ljóst að aðal­höggið fyrir Ísland komi vegna ferða­þjón­ust­unnar. Atvinnu­greinin er ábyrg fyrir tæp­lega 40 pró­sent gjald­eyr­is­tekna þjóð­ar­bús­ins. „Í dag eru það flug­fé­lög, hótel, veit­inga­staðir og smá­sala sem verða fyrir mesta áfall­inu,“ segir hann. „Ef þessu lýkur eftir mánuð eða tvo mán­uði þá verður þetta fljótt að koma til baka. En um leið og tíma­bilið leng­ist og lausafé þess­ara fyr­ir­tækja hverfur, lána­línur þeirra bresta og þau fara á haus­inn, þá mynd­ast atvinnu­leysi. Áföllin fara þá að dreifast í skrif­stofu­geir­ann og halda þaðan áfram.“