Þessi grein birtist upphaflega í Stundinni fyrir meira en 5 árum.

Endalokin blasa við Bíó Paradís eftir að lykilmenn úr GAMMA þrefölduðu leiguverð

Fyrr­ver­andi lyk­il­menn hjá GAMMA eru eig­end­ur hús­næð­is Bíó Para­dís­ar við Hverf­is­götu og hafa ákveð­ið að tæp­lega þre­falda leig­una til þess að nálg­ast mark­aðs­verð. All­ir fá upp­sagna­bréf. „Ef þetta væri ein­hver ann­ar fjár­fest­ir myndi hann ör­ugg­lega gera slíkt hið sama,“ seg­ir fram­kvæmda­stjóri Bíó Para­dís­ar.

Endalokin blasa við Bíó Paradís eftir að lykilmenn úr GAMMA þrefölduðu leiguverð
Eigendur vildu markaðsverð Bíó Paradís hefur notið lágs leiguverðs, en ekki lengur.

Tjaldið virðist vera að falla hjá Bíó Paradís við Hverfisgötu eftir tíu ára sögu. Starfsfólk hefur fengið uppsagnarbréf og við blasir að síðustu sýningar verði í vor. 

Ástæðan er að eigendur hafa hátt í þrefaldað leiguverð til þess að nálgast markaðsverð.

Húsnæði Bíó Paradísar, sem áður hýsti kvikmyndahúsið Regnbogann, er í eigu félagsins Karls mikla ehf. Eigendur þess eru bræðurnir Gísli Hauksson og Arnar Hauksson, sem voru lykilstarfsmenn GAMMA. Þeir fara samtals með helmingshlut í Karli mikla, en til viðbótar á faðir þeirra fjórðung og Pétur Árni Jónsson, sem meðal annars á Viðskiptablaðið, á annan fjórðung, en hann er framkvæmdastjóri Heildar fasteignafélags, sem hefur verið í eigu GAMMA.

Félagið Karl Mikli var rekið með tæplega 90 milljóna króna hagnaði á síðasta birta rekstrarári, 2018, en tapaði tæpum 23 milljónum árið áður. Félagið á fasteignir upp á tæpa 1,5 milljarða króna gegn ríflega milljarðs króna skuldum, samkvæmt ársreikningi. Fyrst og fremst er um að ræða söluhagnað fasteignar.

Hrönn SveinsdóttirFramkvæmdastjóri Bíó Paradísar hefur biðlað til ríkis og borgar.

Hrönn Sveinsdóttir, framkvæmdastjóri Bíó Paradísar, segir í samtali við Stundina að hækkun leiguverðs taki gildi þann fyrsta júlí næstkomandi og því sé það eina ábyrga í stöðunni að segja upp starfsfólki og undirbúa lokun. 

Sátt við eigendur hússins

Spurð um hvaða skýring sé gefin af núverandi eiganda húsnæðisins segir hún að þetta hafi legið fyrir undanfarin fimm ár eða frá því að núverandi eigendur keyptu húsnæðið. 

„Þetta mál snýst ekki um eigenda hússins,“ segir Hrönn. „Ef þetta væri einhver annar fjárfestir myndi hann örugglega gera slíkt hið sama. Við höfum í raun verið mjög heppin með þetta húsnæði. Þetta var hálfgert vandræðahús sem var byggt sem kvikmyndahús og erfitt að gera eitthvað annað úr því.  Húsið er ekki í sérlega góðu ásigkomulagi.  Núverandi eigendur voru tilbúnir að leigja okkur undir markaðsverði en gerðu mér ljóst að að  fimm árum liðnum þann 30.júní 2020 myndi leigan verða hækkuð.“ 

„Ef þetta væri einhver annar fjárfestir myndi hann örugglega gera slíkt hið sama.“

Hrönn segir að Bíó Paradís hafi leitað til bæði ríkis og borgar undanfarin fimm ár og af miklum ákafa þetta síðasta ár. „Við höfum verið í stöðugu sambandi en því miður hefur ekkert gerst, við erum ekki með neitt  á borði. Við höfum ekkert þaðan sem breytir stöðunni.“  Hún bætir við að það þurfi að auka framlög ríkis og borgar í þetta hús til þess að það gangi upp. „Við höfum rekið okkur með 20 prósent framlagi og 80 prósent sjálfaflafé. Ég veit ekki um neitt annað menningarhús sem gerir það. En okkur gengur mjög vel, við höfum aldrei tekið á móti jafnmörgum gestum og aðsóknin eykst ár frá ári.“ 

Hrönn bætir við að þau hafi tilkynnt starfsfólki um stöðuna í gær. „Þetta var hópuppsögn svo allir fengju sinn lögbundna þriggja mánaða uppsagnarfrest og í maí og júní göngum við frá eigum hússins.“   

Spurð hvort þetta sé endapunkturinn fyrir Bíó Paradís svarar Hrönn að þau séu enn í viðræðum við borgina. „Við erum enn að tala við þau og við vonum að það sé enn hægt að bjarga þessari starfsemi, fyrsta og eina heimili kvikmyndanna á Íslandi.“ 

Sýna verðlaunamyndir

Bíó Paradís sýnir fjölbreyttar kvikmyndir með áherslu á myndir sem hafa unnið verðlaun á erlendum kvikmyndahátíðum eins og til dæmis i Cannes og í Berlín frekar en hefðbundna Hollywood myndir.  Einnig eru haldnar þar fjölmargar kvikmyndahátíðir eins og til dæmis Frönsk, þýsk og japönsk kvikmyndahátíð auk kvikmyndahátíðar fyrir börn. Bíóið er heimili íslenskra kvikmyndagerðamanna og þar eru sýndar kvikmyndir, heimildarmyndir og stuttmyndir eftir íslenska leikstjóra.  Að auki er þar rekið kaffi og vínveitingahús og stendur kvikmyndahúsið fyrir viðburðum af ýmsu tagi innan húsnæðisins. 

„Við erum mjög þakklát fyrir stuðninginn“

Fjöldi fólks hefur lýst harmi sínum með yfirvofandi lokun Bíó Paradísar á Facebook.

„Þetta er búið að vera tíu ára þróunarstarf,“ segir Hrönn. „Ef þetta lokar þá sýnir það okkur hreinlega að Ísland á sér ekki vettvang fyrir innlenda og erlenda kvikmyndagerð. Við erum mjög þakklát fyrir stuðninginn sem kemur úr öllum áttum, þetta bíó hefur sannað gildi sitt fyrir það hlutverk sem það gegnir. Við viljum sanna að það sé svigrúm í borginni fyrir menningarhús af þessum toga. Ef þetta er einhvers virði þá verðum við að bjarga því.“

Uppfært: Í upphaflegri útgáfu fréttarinnar kom fram að um væri að ræða ferföldun leiguverðs. Hið rétta er að tilboð um leigusamning gerir ráð fyrir því að leiguverð hátt í þrefaldist.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Mest lesið

Mest lesið í vikunni

„Á ekki möguleika á að fá réttláta málsmeðferð“
3
Fréttir

„Á ekki mögu­leika á að fá rétt­láta máls­með­ferð“

Nauðg­un­ar­kær­an var felld nið­ur, en um­boðs­mað­ur Al­þing­is tek­ur und­ir að­finnsl­ur við rann­sókn lög­reglu, varð­andi at­riði sem hefðu getað skipt máli við sönn­un­ar­mat. Eft­ir at­hug­un á máli Guðnýj­ar S. Bjarna­dótt­ur sendi um­boðs­mað­ur Al­þing­is einnig rík­is­sak­sókn­ara ábend­ingu varð­andi varð­veislu gagna í saka­mál­um og árétt­aði mik­il­vægi þess að ákær­andi hafi öll gögn und­ir hönd­um þeg­ar hann tek­ur af­stöðu.

Mest lesið í mánuðinum

Forsprakki útifundar játaði fjárdrátt á leikskólanum Klettaborg
1
Fréttir

Forsprakki úti­fund­ar ját­aði fjár­drátt á leik­skól­an­um Kletta­borg

Sig­fús Að­al­steins­son, stofn­andi hóps­ins Ís­land - þvert á flokka, sem stend­ur fyr­ir úti­fund­um um hæl­is­leit­end­ur, ját­aði á sig fjár­drátt frá leik­skól­an­um Kletta­borg þeg­ar hann var for­stöðu­mað­ur þar. Hann vill ekki dæma hvort brot af því tagi séu nógu al­var­leg til að inn­flytj­end­ur sem gerð­ust sek­ir um þau ætti að senda úr landi.
Einhverfir á vinnumarkaði: Starfsmannaskemmtanir bara ólaunuð yfirvinna
5
Úttekt

Ein­hverf­ir á vinnu­mark­aði: Starfs­manna­skemmt­an­ir bara ólaun­uð yf­ir­vinna

Í at­vinnu­aug­lýs­ing­um er gjarn­an kraf­ist mik­illa sam­skipta­hæfi­leika, jafn­vel í störf­um þar sem þess ekki er þörf. Þetta get­ur úti­lok­að fólk, til að mynda ein­hverfa, sem búa yf­ir öðr­um mik­il­væg­um styrk­leik­um. Bjarney L. Bjarna­dótt­ir gerði tíma­mót­a­rann­sókn á þessu og legg­ur áherslu á að at­vinnu­rek­end­ur efli fötl­un­ar­sjálfs­traust.
Drengir kvörtuðu undan kennara og var meinað að sitja kennslustundir
6
Úttekt

Dreng­ir kvört­uðu und­an kenn­ara og var mein­að að sitja kennslu­stund­ir

Tólf ára gaml­ir dreng­ir leit­uðu til skóla­stjóra vegna meints of­beld­is af hálfu kenn­ara. Í kjöl­far­ið var þeim mein­að að sitja kennslu­stund­ir hjá kenn­ar­an­um. Ann­ar baðst af­sök­un­ar eft­ir tvær vik­ur og fékk þá að koma aft­ur í tíma. Hinn sætti út­skúf­un í tvo mán­uði, áð­ur en skól­an­um var gert að taka dreng­inn aft­ur inn í tíma. For­eldr­ar drengs­ins segja kerf­ið hafa brugð­ist barn­inu og leit­uðu að lok­um til lög­reglu.

Mest lesið í mánuðinum

Nýtt efni

Mest lesið undanfarið ár