Flosi Eiríksson hefur verið ráðinn framkvæmdastjóri Starfsgreinasambands Íslands. Hann tekur við starfi Drífu Snædal en hún var kjörin forseti Alþýðusambands Íslands í október. Ráðningarferlið var í höndum Capacent en alls bárust 17 umsóknir um stöðuna.
Í tilkynningu frá Starfsgreinasambandinu segir að Flosi búi að víðtækri reynslu úr atvinnulífinu, hann er húsasmiður og viðskiptafræðingur að mennt. Undanfarin ár hefur hann starfað hjá Íslandsstofu við fræðslu og ráðgjöf. Áður starfaði hann m.a. hjá ráðgjafarfyrirtækinu KPMG um 10 ára skeið og sem húsasmiður hjá ýmsum aðilum.
Flosi býr einnig að fjölbreyttri reynslu af félagsmálum, m.a. setu í bæjarstjórn Kópavogs frá 1998 til 2010 auk setu í ýmsum nefndum og ráðum fyrir sveitarfélög og ráðuneyti. Þess utan hefur hann tekið þátt í margvíslegu öðru félagsstarfi samkvæmt tilkynningunni.
[adspot]
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
verkalýðsfélög
Alþýðusambandið varar við nýju stéttarfélagi
ASÍ: Stuðningi enn á ný beint að fyrirtækjum en ekki fólki
Ragnar Þór hættur í miðstjórn ASÍ
Ragnar Þór fór fram á að launin sín yrðu lækkuð
FME telur afturköllun á tilnefningu stjórnarmanna sjóða vega að sjálfstæði stjórna þeirra
Athugasemdir