Hvers vegna eru verk­föll í Frakk­landi núna? Þessi spurn­ing hljómar eins og þegar barn spyr, hvers vegna er him­inn­inn blár? Frakkar eru sú þjóð sem er gjörn­ust á að fara í verk­föll og fyrir því liggja ýmsar félags­legar og efna­hags­legar ástæður. Í ár munu þó margir af þeim tug­þús­undum Íslend­inga sem stefna út á EM kynn­ast frönsku verk­falli af eigin raun. En hverju er verið að mót­mæla?

Umdeild vinnulöggjöf óvinsæls forseta

Eitt af stóru verk­efnum hvers ein­asta franska for­seta er að breyta vinnu­lög­gjöf­inni. Það virð­ist vera óháð því hvort hann sé úr sós­í­alista­flokknum, sem núver­andi for­seti, Francois Hollande er, eða íhalds­maður eins og sá síð­asti, Nicolas Sarkozy, var. (Sem lík­lega er á leið í fram­boð aftur.) Frakkar eru þekktir fyrir að berj­ast fyrir rétt­indum sínum og þegar atvinnu­vega­ráð­herr­ann, Myriam El Khomri, lagði fram nýja vinnu­lög­gjöf hófst löng verk­falls­hrina og óeirðir sem ekki sér enn fyrir end­ann á.