Þegar Helgi Svavar Helgason á lausa stund bregður hann sér oftar en ekki inn í eld­hús og býr til sultur, hot sauce eða jafn­vel kimchi, kóresku gerj­uðu græn­met­is­blönd­una, sem margir segja ávana­bind­andi. En hvað er þetta kimchi, hvar kynnt­ist Helgi því, hvað er svona gott við það, en kannski fyrst af öllu – hvernig býr hann það til?

Ég byrja á að ná mér í kína­kál, skola það og salta dig­ur­lega á milli blað­anna. Svo læt ég þetta liggja við stofu­hita í 3 tíma og sný því á 40 mín­útna fresti, þar til hægt er að beygja stilk­inn í U án þess að hann brotni. Á meðan sýð ég saman vatn og hrís­grjóna­mjöl, með örlitlu af hrá­sykri og bý til þykkni úr því. Legg það til hliðar og læt það kólna. Það næsta sem ég geri er að hakka saman lauk, hvít­lauk og engi­fer. Næst koma gul­rætur og kína­hreðka, sem ég saxa niður í strimla. Svo tek ég vor­lauk og sker góðan slatta af honum og set svo í skál góðan slatta af fiski­sósu. Ofan í það fara smá­rækjur í mauki, ég