11. mars - Viðtalið
Sigmundur Davíð Gunnlaugsson, þáverandi forsætisráðherra, byrjaði föstudaginn 11. mars á viðtali í útvarpsþættinum Bítinu á Bylgjunni þar sem Sigmundur Davíð ræddi fyrst og fremst um málefni tryggingarfélaganna, sem þá fóru hátt í samfélaginu. Hann var léttur í bragði og brá á leik með þáttastjórnendum, grunlaus um það sem dagurinn ætti eftir að bera í skaut með sér.
Síðar sama dag tók Sven Bergman, fréttamaður sænska fréttaskýringaþáttarins Uppdrag Granskning, viðtal við Sigmund Davíð í ráðherrabústaðnum. Eins og heimsfrægt er orðið var Sigmundur þar í fyrsta skipti spurður um félagið Wintris. Hann brást illa við, neitaði að svara spurningum Jóhannesar Kr. Kristjánssonar og gekk út úr viðtalinu.
Stuttu síðar fór Sigmundur Davíð í viðtal hjá Stöð 2 vegna hugmynda hans um að nýr Landspítali yrði reistur á Vífilsstöðum í Garðabæ, en rétt fyrir klukkan tvö hafði hann birt færslu á bloggsíðu um nýjan spítala á Vífilsstöðum. Una Sighvatsdóttir, fréttakona á Stöð 2, sagði frá upplifun sinni á Facebook-síðu sinni eftir að fréttaskýringaþáttur Kastljóss og Reykjavík Media var sýndur. „Síðdegis þann 11. mars hitti ég Sigmund Davíð í ráðherrabústaðnum vegna viðtals um staðsetningu nýs landspítala vid Vífilsstaði (man einhver eftir því máli núna?) Það lá ekki vel á forsætisráðherra þennan dag og við tökumaðurinn ræddum sérstaklega eftir á hvað hann var áberandi órólegur. Ég skil það betur núna, þegar komið er í ljós að stuttu áður sama dag hafði hann gengið út úr viðtali við Sven Bergman í þessu sama herbergi.“
15. mars - Facebook-færsla Önnu Sigurlaugar
Í kvöldfréttum RÚV var fjallað um vaxandi ágreining milli stjórnarflokkanna í fjölmörgum málum og voru þar sérstaklega nefnd húsnæðismálin, afnám verðtryggingar, gjaldtaka á ferðamannastöðum, sala á Landsbankanum, búvörusamningurinn og uppbygging Landspítala við Hringbraut.
Almenningur heyrði síðan í fyrsta skipti af félaginu Wintris í Facebook-færslu Önnu Sigurlaugar Pálsdóttur, eiginkonu Sigmundar Davíðs, að kvöldi þriðjudagsins 15. mars. Hvergi var minnst á viðtalið sem tekið var við Sigmund fjórum dögum áður og því tilefni færslunnar óljóst. Í færslunni sagðist Anna Sigurlaug eiga erlent félag
Wintris-málið
Leyndu tilvist Wintris og greiddu ekki skatta í samræmi við lög
Skorað á Sigmund að stofna nýjan flokk: „Aðdáun mín til staðar ennþá“
Sigmundur Davíð felldur úr formannsstóli
Sigmundur sagði ósatt í gær - boðað til þingflokksfundar
Eygló kannar bakland sitt: Líkleg til að skora Sigmund á hólm
Athugasemdir