Páskarnir koma óvenju snemma í ár og eru á næsta leiti. Eftir að hafa þraukað í gegnum dimman, kaldan og blautan janúar og síðan febrúar er daginn loks farið að lengja og styttist í að snjórinn bráðni. Snæklukkur spretta upp, lóan kemur og hillur matvöruverslana fyllast af súkkulaðieggjum.  

Egg eru tákn frjósemi og nýs lífs svo þau eiga vel við um páskana, rétt eins og páskakanínur sem eru eins og allir vita, sem fara í gegnum Elliðaárdalinn, Heiðmörk eða Öskjuhlíðina, að eru heldur betur frjósamar. Síðan fyrstu gæludýraeigendurnir hér á landi fóru að sleppa lausum kanínum sem börnin nenntu ekki að sinna lengur hafa kanínur fjölgað sér á hverju ári. Á síðustu fimmtán árum hefur stofninn stækkað og á útisvæði höfuðborgarinnar eru nú um nokkur hundruð kanínur samkvæmt skrifstofu umhverfisgæða Reykjavíkurborgar. Að undanskildum smávægilegum skemmdum sem kanínur geta valdið í einkagörðum eru þær almennt ekki til ama heldur lífga þær upp á umhverfið. Annars halda minnkurinn og uglan stofninum niðri, auk þess sem einstaka kanínuskinn verður fyrir bíl á Reykjanesbrautinni.

Þær gleðifregnir bárust í janúar að nú fást í fyrsta sinn lífræn egg í öllum helstu matvöruverslunum landsins, að Samkaup og Nettó undanskildum. Nesbú hf. framleiðir eggin og eiga svo sannarlega skilið hrós fyrir fyrirmyndarframtak. Það tók fyrirtækið tæp tvö ár að uppfylla ströngustu kröfur til að fá lífræna vottun, en á meðal skilyrða er bann við eiturefnum og tilbúnum áburði, fóðrið verður að vera lífrænt vottað, fuglarnir að hafa frjálsan aðgang að rykbaði, hreiðri og setpriki innan dyra. Fuglarnir hafa helmingi meira rými inni og eiga þess kost að verja einum þriðja af líftíma sínum úti. Allt skilar þetta sér í hágæða eggjum en munurinn finnst svo sannarlega á bragðinu og sést einnig á áferðinni, enda framleiða hamingjusöm og heilbrigð dýr almennt betri afurðir. Samvæmt nýlegri kanadískri rannsókn eru lífræn egg með allt að tvöfalt meira magn af A, E og D-vítamínum og Omega 3 en önnur egg. Þess vegna hvet ég lesendur til að styðja þetta framtak og kaupa lífræn egg, sem eru í flestum búðum aðeins 100 krónum dýrari en önnur.

Að þessu sinni er uppskriftin að marmaraeggjum, eða te-eggjum. Eggin eru maríneruð og hægelduð í blöndu af te, sojasósu og