Flótta­menn sem halda til í og við frönsku borg­ina Calais verða fyrir dag­legu lög­reglu­of­beldi, að því er fram kemur í nýút­kominni skýrslu, en svæðið hefur und­an­farin miss­eri verið undir stöð­ugu eft­ir­liti lög­reglu og virð­ist helsta mark­miðið að halda flótta­fólki fjarri svæð­inu. Breski fjöl­mið­ill­inn Independent fjallar sér­stak­lega um nið­ur­stöður rann­sókn­ar­innar sem voru kunn­gjörðar í apríl síð­ast­liðnum, en þar kemur meðal ann­ars fram að flótta­fólk, þeirra á meðal fylgd­ar­laus börn, verði síend­ur­tekið fyrir grófu lög­reglu­of­beldi. Í þessu sam­hengi greina sumir frá því hvernig bar­smíðar lög­regl­unnar leiddu til þess að þeir fóru úr lið á meðan aðrir lýsa því til að mynda hvernig lög­reglu­menn hafi spreyað táragasi beint í augu þeirra en slíkt getur verið hættu­legt.

22 ára gam­all Palest­ínu­maður lýsir því hvernig lög­reglu­menn spreyj­uðu táragasi beint framan í and­lit hans, brutu svo gler­augun og skyldu loks eftir mikið svöðu­sár á öðru aug­anu. Sautján ára gam­all drengur rifjar upp hvernig hann var lam­inn af lög­reglu­mönnum þar sem hann stóð einn um miðja nótt, á meðan annar sextán ára gam­all lýsir því hvernig hann svaf með nokkrum félögum sínum í skóg­inum þegar lög­reglu­menn vöktu þá, skip­uðu þeim að hypja sig og byrj­uðu svo að „berja í fóta hans með kylfum“ þegar þeir neit­uðu að hlýða skip­un­unum. Rann­sóknin er sú viða­mesta sem gerð hefur verið frá því að hinn svo­kall­aði frum­skógur í Calais var jafn­aður við jörðu síð­ast­liðið haust, en 53 pró­sent þeirra flótta­manna sem halda til á svæð­inu svör­uðu spurn­ingum sam­tak­anna Refugee Rights Data Project.