Egilssögur
Á meðan ég man
Páll Valsson
Fjórar og hálf stjarna
Útgefandi: JPV-útgáfa
367 blaðsíður

Egill Ólafsson er fyrir löngu viðurkenndur sem einn af þeim allra stærstu í heimi dægurtónlistar á Íslandi. Það má þakka honum og samstarfsmönnum hans stóran hluta þess tónlistararfs sem kynslóðin fædd eftir 1950 skilur eftir sig. Það er því vel til fundið að skrásetja sögu hans. Í bókinni, Egilssögur, á meðan ég man, er varpað skýru ljósi á feril söngvarans og tónlistarmannsins, allt frá því hann spilaði með unglingahljómsveitunum, Scream og Rössum, og til vorra tíma þar sem Stuðmenn standa upp úr. 

Áhugaverðasti hlutinn í sögu Egils snýr að Stuðmönnum, sem eru væntanlega frægasta og ein langlífasta hljómsveit Íslandssögunnar. Ógrynni af dægurperlum liggur eftir hljómsveitina. Vart er til það mannsbarn sem ekki hefur sungið með þeim. Fyrsta bíómynd Stuðmanna, Með allt á hreinu, sló öll met í aðsókn. Egill hefur alla tíð verið frontmaður Stuðmanna, enda einn albesti söngvari landsins. 

Bókin lýsir ágætlega þeirri spennu sem hefur verið innan sveitar­innar sem